Italiýanyň “Roma” kluby Germaniýanyň “Baýer” toparyndan eýranly hüjümçi Serdar Azmuny transfer etdi. Rimliler 28 ýaşly hüjümçi bilen 1 ýyllyk kärendesine şertnama baglaşdy. Möwsümiň ahyrynda-da “Roma” gerek bolan ýagdaýynda Azmuny 12 million ýewro töläp, ymykly düzümine-de geçirip biler. Azmun geçen 2022-nji ýylyň ýanwarynda “Zenitden” “Baýere” geçipdi. Ol nemes klubunda 44 oýunda 5 gezek tapawutlandy. Professional karýerasyna “Rubinde” başlan Azmun “Rostow” hem-de “Zenit” klublarynda oýnady. Ol “Rubinde” 77 oýunda 17, “Rostowda” 77 oýunda 25, “Zenitde” 104 oýunda 62 gol geçirdi.
Azmun “Romada” 17-nji belgili köýnekçäni geýer.
