Fransiýanyň “Marsel” topary klubdan ugradan hem-de düzümine goşan oýunçylary bilen transfer möwsüminiň işjeň toparlarynyň biri hasaplanýar. Geçen möwsümi 3-nji orunda tamamlan we täze möwsümde Ýewropa Ligasynda çykyş etjek “Marsel” topary Italiýanyň “Inter” klubundan argentinaly hüjümçi Hoakin Korreany düzümine goşdy. Fransuz kluby 29 ýaşly oýunçyny 1 ýyllyk kärendesine transfer etdi. “Marsel” kärende tölegi hökmünde-de “Intere” 2 million ýewro berer. “Marsel” kluby Korreany geljek tomusda-da 10 million ýewro baha ymykly transfer edip biler. Ýurdunyň “Estudiantes” toparynda futbola başlan Korrea “Sampdoriýa”, “Sewilýa”, “Lasio” klublarynda oýnady. Ol “Interde” 2 möwsümde 76 oýunda 10 gol geçirdi.
