Ispaniýanyň çempionaty “La Ligada” tapgyryň merkezi duşuşygynda “Real Madrid” myhmançylykda “Žirona” bilen duşuşdy. Çekeleşikli geçen oýunda “Real Madrid” 3-0 hasabynda ýeňiş gazandy. “Reala” ýeňiş getiren gollary 17-nji minutda Hoselu, 21-nji minutda Tçuameni hem-de 71-nji minutda Hud Bellingam geçirdi. Şunlukda, bu duşuşyga çenli ýeňlişsiz gelen “Žirona” möwsümde ilkinji gezek ýeňlişe sezewar boldy. “Real Madrid” bolsa bu ýeňişden soň utugyny 21-e çykaryp, “Barselonanyň” öňüne geçdi we 1-nji orna beýgeldi. “Žirona” bolsa 19 utukda galyp, 3-nji orny eýeleýär.
