Germaniýanyň çempionaty “Bundesligada” soňky çempion “Bawariýa” öz meýdançasynda “Darmştadt” toparyny kabul etdi. Çekeleşikli we dartgynly geçen oýunda eýýäm 4-nji minutda “Bawariýadan” Ýozua Kimmih gyzyl kart aldy. Ýöne 1-nji ýarym tamamlanmanka myhman topardan hem 2 oýunça gyzyl kart görkezildi. 21-nji minutda Gýasula, 41-nji minutda-da Maglika oýundan çykaryldy. “Bundesliganyň” taryhynda ilkinji gezek 1 oýunda 3 futbolçy 1-nji ýarymda gyzyl kart aldy.
Duşuşygyň 1-nji ýarymynda hasap açylmady. Ýöne 2-nji ýarymda welin, 38 minudyň dowamynda 8 gol geçirildi. Gollaryň baryny-da “Bawariýa” topary geçirip, münhenlileriň adyndan Keýn 3 (51, 69, 88), Sane 2 (56, 64), Musiala 2 (60, 76) hem-de Müller tapawutlandy. Keýn 2-nji goluny 70 metr uzak aralykdan derweze girizendigi bellärliklidir.
