Aziýada 2022-nji ýylyň iň ökdeleri Kataryň paýtagty Dohada geçirilen dabarada mälim edildi. Dabarada AFK ýylyň aziýaly futbolçysy baýragyna Saud Arabystanynyň “Al Hilal” toparynyň ýerli ýyldyzy Salem Al-Dawsari laýyk görüldi. Ol bu ugurda katarly Almoez Ali hem-de awstraliýaly Mattýuw Lekiden öňe saýlandy. AFK ýylyň aziýaly halkara futbolçysy baýragyna “Bawariýanyň” koreýaly goragçysy Kim Min Çže mynasyp boldy. Ol bu baýrak ugrunda eýranly Mehdi Taremini (“Porto”) hem-de ýaponiýaly Kaoru Mitamany (“Braýton”) yzda galdyrdy.
Aziýada ýylyň zenan futbolçysy baýragyna Dohadaky dabaradan 1 gün “Altyn top” baýragy ugrunda ispaniýaly Aitana Bonmatiden yza galan awstraliýaly Samanta Kerr (“Çelsi”) mynasyp boldy.
Ýylyň erkek tälimçisi diýlip, Ýaponiýanyň milli ýygyndysynyň tälimçisi Hažime Moriýasu, ýylyň zenan tälimçisi diýlibem, Hytaýyň zenanlar milli ýygyndysynyň tälimçisi Şui Sinşia saýlandy.
Eýranly Moslem Oladhobad ýylyň iň ökde futzal oýunçysy baýragy bilen sylaglandy.
