Möwsümiň iň soňky, ýagny 9-njy “Masters” ýaryşy – “Pariž Masters” tennis bäsleşiginde Nowak Jokowiç çempionlyk gazandy. Serbiýaly tennisçi finalda bolgariýaly Grigor Dimitrowy 6:4 we 6:3 hasaplar bilen ýeňip, “Pariž Masters” ýaryşyndaky 7-nji çempionlygyny baýram etdi. Bu görkeziji ýaryşyň rekordyna deňdir. 36 ýaşyndaky tennisçi mundan öň Parižde 2009-njy, 2013-nji, 2014-nji, 2015-nji, 2019-njy hem-de 2021-nji ýyllarda çempionlyk gazanypdy. Bu Jokowiçiň 40-njy “Masters”, şol sanda 97-nji ATP Kubogy hökmünde hasaba alyndy. Jokowiç umumy baýrak gaznasy 5 million 779 müň 335 ýewro deň bolan ýaryşda 892 müň 590 ýewrolyk pul baýragy bilen sylaglandy.
51-nji gezek geçirilen ýaryşyň jübütleýn bäsleşiginde meksikaly Santiago Gonzales bilen fransiýaly Eduar Rojer-Wasselin ikisi çempionlyk gazandy.
