«Türk­men­tel-2023» at­ly XVI Hal­ka­ra ser­gi­si we yl­my mas­la­ha­ty

Düýn paýtagtymyzdaky Söwda-senagat edarasynda telekommunikasiýa, telemetriýa, maglumatlar tehnologiýalary we tele-radio enjamlary boýunça «Türkmentel-2023» atly XVI Halkara sergisi we ylmy maslahaty öz işine başlady.

«Türk­men­tel-2023» hal­ka­ra ser­gi­si­ne we yl­my mas­la­ha­ty­na Rus­si­ýa, ABŞ, Finl­ýan­di­ýa, Ýa­po­ni­ýa, Gyr­gy­zys­tan, Azer­baý­jan, Hy­taý, Ga­za­gys­tan, Fran­si­ýa we Tür­ki­ýe ýa­ly dün­ýä­niň bir­nä­çe ýur­dun­dan belli kom­pa­ni­ýa­la­ryň we­kil­le­ri gat­naş­ýar­lar.
Şo­la­ryň ha­ta­ryn­da, Hy­ta­ýyň «Hua­wei», «Hy­te­ra», Tür­ki­ýä­niň «Mia Tek­no­lo­ji» we PTT, ABŞ-nyň DHL, «Mo­to­ro­la So­lu­tions», Gyr­gy­zys­ta­nyň «Kyr­gyz poç­ta­sy», «Kyr­gyz­te­le­kom», Rus­si­ýa­nyň «Ros­te­le­kom», MTT, Azer­baý­ja­nyň «Del­ta Te­lecom», «Azer Te­lecom», Finl­ýan­di­ýa­nyň «No­kia», Fran­si­ýa­nyň «Eu­tel­sat», Ýa­po­ni­ýa­nyň NEC, «Trend Micro», Ga­za­gys­ta­nyň «Ka­zah­te­le­kom» we GSMA Hal­ka­ra mo­bil ara­gat­na­şyk ope­ra­tor­la­ry­nyň as­so­sia­si­ýa­sy bar.
Hor­mat­ly Pre­zi­den­ti­miz hal­ka­ra ser­gi­si­ne hem-de yl­my mas­la­ha­ta gat­na­şy­jy­la­ra gut­lag ha­ty­ny ug­rat­dy. Gut­lag­da Türk­me­nis­tan öz çä­gin­de hal­ka­ra äh­mi­ýet­li op­ti­ki-sü­ýüm­li ma­gist­ral ara­gat­na­şyk ul­gam­la­ry­ny gur­mak bi­len, Be­ýik Ýü­pek ýo­lu­nyň ulag-kom­mu­ni­ka­si­on mer­ke­zi­niň we­zi­pe­si­ni ýe­ri­ne ýe­tir­ýär. Bu tas­la­ma­lar di­ňe bir Mer­ke­zi Azi­ýa se­bi­tin­de däl, eý­sem, Gün­do­gar–Gün­ba­tar, De­mir­ga­zyk–Gü­nor­ta ugur­la­ry bo­ýun­ça üs­ta­şyr ul­gam­la­ryň wa­jyp şa­ha­sy bo­lup, goň­şy döw­let­le­riň yk­dy­sa­dy­ýe­ti­niň ös­me­gi­ne hem ýar­dam ed­ýär. «Açyk ga­py­lar» sy­ýa­sa­ty­ny iş­jeň dur­mu­şa ge­çir­mek ar­ka­ly Türk­me­nis­tan hyz­mat­daş ýurt­la­ry bi­len öz döw­rün­de Gün­do­ga­ryň we Gün­ba­ta­ryň me­de­ni­ýet­le­ri­ni bag­la­nyş­dy­ran Be­ýik Ýü­pek ýo­lu­nyň hä­zir­ki şert­ler­de tä­ze­den di­kel­dil­me­gi­ne iş­jeň gat­naş­ýar hem-de öz go­şan­dy­ny goş­ýar diý­lip bel­le­nil­ýär. Hal­ka­ra ser­gi­niň we mas­la­ha­tyň do­wa­myn­da ýur­du­myz­dan we da­şa­ry ýurt­lar­dan gat­naş­ýan alym­lar, bi­ler­men­ler, işe­wür­ler we hal­ka­ra gu­ra­ma­la­ryň we­kil­le­ri san­ly trans­for­ma­si­ýa, ki­ber­howp­suz­lyk, kom­mu­ni­ka­si­ýa­nyň gel­je­gi, hem­ra teh­no­lo­gi­ýa­la­ry ýa­ly ugur­lar­da hal­ka­ra hyz­mat­daş­ly­gy­ny ös­dür­mek bi­len bag­ly me­se­le­ler bo­ýun­ça tej­ri­be alyş­ýar­lar.
Mas­la­ha­tyň do­wa­myn­da «San­ly çöz­güt–2023» in­no­wa­si­ýa bäs­le­şi­gi­niň jem­le­ri jem­le­ner. Bu ýer­de iň oňat ýaş tas­la­ma­çy­lar öz san­ly önüm­le­ri­ni işe­wür­ler jem­gy­ýe­ti­ne gör­kez­mä­ge müm­kin­çi­lik alar­lar.
Şeý­le hem çä­rä­niň çä­gin­de Türk­me­nis­ta­nyň döw­let we hu­su­sy gu­ra­ma­la­ry bi­len da­şa­ry ýurt kom­pa­ni­ýa­la­ry­nyň ara­syn­da du­şu­şyk­la­ryň ge­çi­ril­me­gi me­ýil­leş­di­ril­ýär.
«Türk­men­tel-2023» hal­ka­ra ser­gi­si we yl­my mas­la­ha­ty se­bit­dä­ki mag­lu­mat we yl­my-teh­no­lo­gi­ki taý­dan äh­mi­ýet­li, ýo­ka­ry de­re­je­li çä­re­le­riň bi­ri bo­lup, bu çä­re dün­ýä­niň dür­li kün­jek­le­rin­den hü­när­men­le­re te­le­kom­mu­ni­ka­si­ýa, in­no­wa­si­ýa we ýo­ka­ry teh­no­lo­gi­ýa pu­da­gyn­da tej­ri­be we tä­ze pi­kir­ler alyş­ma­ga müm­kin­çi­lik dö­red­ýär.
«Türk­men­tel-2023» at­ly XVI Hal­ka­ra ser­gi­si we yl­my mas­la­ha­ty şu gün öz işi­ni ta­mam­la­ýar.