BMG-niň Ho­wa­nyň üýt­ge­me­gi ba­ra­da­ky Çar­çu­wa­ly kon­wen­si­ýa­sy­na (COP28) gat­na­şy­jy­la­ryň 28-nji mas­la­ha­ty 30-njy no­ýabr­da dün­ýä­niň zy­ýan çe­ken ýurt­la­ry­na ho­wa­nyň üýt­ge­me­gi se­bäp­li ýit­gi­ler bi­len gö­reş­mä­ge gol­daw ber­mek üçin gaz­na dö­ret­mek ba­ra­da­ky şert­na­ma­ny tas­syk­la­dy.
Bu wa­ka aý­gyt­ly ädim bo­lup, BAE-niň Du­baý şä­he­rin­de ge­çi­ri­len COP28 mas­la­ha­ty­nyň il­kin­ji gü­nün­de ga­za­ny­lan üs­tün­lik bol­dy. BAE-niň ýol­baş­çy­ly­gyn­da­ky bir­nä­çe ýurt gaz­na üçin ma­li­ýe borç­na­ma­la­ry­ny öz üs­tü­ne al­dy­lar: BAE we Ger­ma­ni­ýa 100 mil­li­on dol­lar, Be­ýik Bri­ta­ni­ýa – 40 mil­li­on ýew­ro (tak­my­nan 50,6 mil­li­on dol­lar) we beý­le­ki çyk­da­jy­lar üçin 20 mil­li­on ýew­ro,Ýa­po­ni­ýa 10 mil­li­on dol­lar, ABŞ bol­sa 17,5 mil­li­on dol­lar.
COP28 mas­la­ha­ty­nyň web sa­hy­pa­syn­da ýaý­ra­dy­lan be­ýa­nat­da COP28-iň baş­ly­gy Sol­tan bin Ah­med al-Ja­ber bu gaz­na­nyň “ho­wa­nyň üýt­ge­me­gi­niň ýa­ra­maz tä­sir­le­ri­ne uç­ran mil­liard­lar­ça ada­ma gol­daw ber­jek­di­gi­ni aýt­dy. Şeý­le hem be­ýa­nat­da ta­rap­la­ryň in­di Pa­ri­žiň ho­wa bo­ýun­ça şert­na­ma­sy­ny dur­mu­şa ge­çir­mek­dä­ki ösü­şi­ne glo­bal ba­ha ber­mä­ge ün­si jem­län­di­gi bel­le­nil­ýär.
2022-nji ýyl­da Mü­sür­dä­ki COP27 mas­la­ha­tyn­da yla­la­şy­lan ýit­gi­le­riň we zy­ýa­nyň öwe­zi­ni dol­mak bo­ýun­ça gaz­na­sy ös­ýän ýurt­la­ryň köp­den bä­ri is­le­gi bo­lup gel­ýär. Bu ýurt­lar gu­rak­lyk, suw joş­ma­la­ry we de­ňiz de­re­je­si­niň ýo­kar­lan­ma­gy ýa­ly ýy­gy-ýy­gy­dan aşa ho­wa ha­dy­sa­la­ry ze­rar­ly zy­ýan çek­ýär.

Gyzykly bolup bilerЕЩЕ ОТ АВТОРА