“Liwerpul” – “Arsenal” 1-1 hasabynda tamamlanan duşuşykda ýer eýeleriniň goluny geçiren Mohamed Salah “Premier Ligadaky” 151-nji goluny geçirip, APL-niň iň netijeli futbolçylary sanawynda Maýkl Owenden geçip, 10-njy orna beýgeldi.
“Serie A”-nyň soňky çempiony “Napoli” nigeriýaly hüjümçisi Wiktor Osimhen bilen şertnamasynyň möhletini 2026-njy ýylyň tomsuna çenli uzaltdy (130 milliona transfer bolup biler maddasy hem goýulýar).
Angliýanyň “Premier Ligasynda” “Çelsi” myhmançylykda “Wulwerhmeptondan” 2-1 hasabynda asgyn gelip, myhmançylykda bassyr 4-nji duşuşygynda ýeňlişe sezewar boldy.
Türkiýäniň çempionatynda Stambul derbisinde soňky çempion “Galatasaraý” myhmançylykda “Fenerbahçe” bilen golsuz deňme-deň oýnady (0-0).
“Premier Ligasynyň” wekili “Mançester Siti” topary argentin kluby “Riwer Pleýtiň” 17 ýaşly hawbeki (ýarymgoragçysy) Klaudio Eçewerrini 25 million ýewro transfer eder.
