Ýokary okuw mekdeplerini, hünär akademiýalaryny we okuw merkezlerini özünde jemleýän erkin zolak merkezi “Dubai Knowledge Park” özüniň esaslandyrylmagynyň 20 ýyllygy mynasybetli gurlan “Dünýäniň iň uly Rubik kubigi” üçin Ginnesiň rekordlar kitabyna girizildi. Ajaýyp gurnama, hersi bir metr beýiklikdäki 21 sany kub görnüşli aýnadan ybarat. Heýkeliň agramy 300 kilogramdan gowrak we umumy ölçegleri 3x3x3 metre deň. 2003-nji ýylda açylalan “Dubai Knowledge Park” 700-den gowrak ýerli, sebit we halkara bilim edaralarynyň mekany bolup, ol ýerde 170-den gowrak ýurtdan gelen zehinli talyplar okaýar.
2022-2023-nji ýyllarda Birleşen Arap Emirlikleri 123 dünýä rekordyny täzeledi, olaryň 12-si 2024-nji ýylda Ginnesiň rekordlar kitabyna girizildi. Ilkinji rekord pilotsyz uçarlaryň kömegi bilen döredilen iň uly QR kod üçin goýuldy. 3 müňden gowrak dron gijeki asmany ýagtyldyp, ajaýyp şekili emele getirdiler. Ras Al Haýmede ýene iki sany rekord goýuldy. Şonda 671 sany pilotsyz uçar bir wagtyň özünde asmana göterildi. Şeýle-de belli bir aralykdan dolandyrylýan pilotsyz uçarlar asmanda iň uly harplary ýazyp geçdiler.
