1959-njy ýylyň 2-nji ýanwarynda Sowet Soýuzy “Luna-1” kosmos enjamyny uçurýar. Gazagystanyň Baýkoňyr kosmodromyndan uçurylan emeli hemra Ýeriň dartyş güýjüniň täsirinden çykan hem-de Aýyň töweregine baryp ýeten ilkinji apparatdyr. Enjam uçurylandan 3 sagatdan soňra Ýerden 100 müň kilometr uzaklyga ýetýär. Emeli hemra 5 sagat 57 minutdan soňra Aýa iň golaý (5-6 müň kilometr) barýar we astronomik koordinatlaryny ugradýar. 5-nji ýanwar güni emeli hemranyň zarýady gutaryp, aragatnaşyk doly kesilýär. Sowet Soýuzynyň Aý maksatnamasynyň çäklerinde “Luna-2” stansiýasy şol ýylyň 13-nji sentýabrynda uçurylýar. Bu taslamany dowam etdirmek maksady bilen geçen ýyl Russiýanyň uçuran “Luna-25” şowsuzlyk bilen tamamlanypdy.
