Italiýanyň çempionaty “Serie A”-da paýtagt Rimiň adybir kluby “Roma” portugaliýaly tälimçisi Žoze Mouriniony wezipesinden boşatdy. 60 ýaşly hünärmeniň şu ýylyň tomsuna çenli şertnamasy bardy. Klub soňky tapgyrda “Milandan” 3-1 hasabynda asgyn gelipdi. Umumylykda soňky 6 oýunda diňe 1 gezek ýeňiş gazanyp, 1 sapar hem deňme-deň oýnan “Roma” topary 20 oýunda 29 utuk toplady we 9-njy orunda barýar. 2021-nji ýylyň iýul aýynda “Romanyň” tälimçiligine bellenen Mourinio rimliler bilen 2,5 möwsümde 138 oýunda 68 ýeňiş gazandy, 39 oýunda-da utuldy. Ol “Roma” toparyna 2021/22 möwsüminde UEFA Ýewropa Konferensiýa Ligasynyň çempionlygyny gazandyrypdy. Ol geçen möwsümde-de “Romany” UEFA Ýewropa Ligasynyň finalyna çykarypdy.
