Germaniýanyň çempionatynda 18-nji tapgyrda sanawyň lideri “Baýer” myhmançylykda “Leipsig” bilen duşuşyp, güýçli garşydaşyny soňky minutda ýeňmegi başardy. Çekeleşikli geçen oýunda “Leipsig” Simons (7) hem-de Opendanyň (56) gollary bilen 2 gezek öňe saýlansa-da, “Baýer” Tellanyň (47), Tanyň (63) hem-de Inkapieniň (90+1) gollary esasynda jogap berdi. Şunlukda, “Baýer” ähli ýaryşlary hasaba alanyňda 27 oýundan bäri ýeňilmän gelýär we bu ugurda “Bawariýanyň” rekordyna golaýlap barýar (32 duşuşyk).
Çempion “Bawariýa” öz meýdançasynda “Werder” bilen duşuşyp, 1-0 hasabynda asgyn geldi. “Werder” toparyna ýeňiş getiren ýeke-täk goly 59-njy minutda Mitçell Waýzer geçirdi. Şunlukda, “Bawariýa” topary 16 ýyldan soň “Werderden” utuldy. Soňky gezek “Werderden” 2008-nji ýylda utulan “Bawariýa” şondan bäri 28 oýnuň 24-sinde ýeňiş gazandy.
Dortmundyň “Borussiýasy” bolsa Maleniň 2 gol geçiren oýnunda myhmançylykda “Kölni” 4-0 hasabynda utup, bassyr 2-nji duşuşygynda üstün çykdy.
Bohum – Ştutgart: 1-0 (Bero 50),
Darmştadt – Aýntraht: 2-2 (Ýustwan 61, Wilhelmsson 90+5 – Nkunku 33, Knauff 51),
Köln – Borussiýa D: 0-4 (Malen 12, 61, Füllkrug 58 p, Mukoko 90+2),
Fraýburg – Hoffenhaým: 3-2 (Höler 37, Grifo 55, Şolloi 85 – Weghorst 57, Baýer 77),
Haýdenhaým – Wolfsburg: 1-1 (Ýens 45+2 ö.d. – Çerny 7),
Leipsig – Bawariýa: 2-3 (Simons 7, Openda 56 – Tella 47, Ta 63, Inkapie 90+1),
Bawariýa – Werder: 0-1 (Waýzer 59),
Borussiýa M – Augsburg: 1-2 (Sibaço 26 – Tits 47, Engels 51),
Maýns – Union Berlin (soňa goýuldy)
