Azerbaýjan Respublikasynyň paýtagty Baku şäherinde şu ýylyň 17–22-nji maýy aralygynda geçiriljek 13-nji Bütindünýä şäherleşme forumyna (WUF13) taýýarlyk işleri tamamlaýjy tapgyrda dowam edýär. BMG-niň Adam üçin ýaşaýyş jaýlary baradaky maksatnamasynyň (UN-Habitat) goldamagynda geçirilýän bu abraýly çäre dünýäniň dürli künjeklerinden gelen bilermenleri, döwlet wekillerini we şäherleşme pudagynyň hünärmenlerini bir ýere jemlär.
Forumyň gün tertibinde global derejede ýüze çykýan ýaşaýyş jaý krizisini çözmek we hemmeler üçin elýeterli ýaşaýyş jaý üpjünçiligini döretmek meseleleri esasy orny eýelär. Häzirki wagtda dünýäde bir milliarddan gowrak adamyň bökdençli şertlerde ýaşaýandygyny nazarda tutup, forumyň gatnaşyjylary innowasion şäher gurluşygy, “akylly şäher” konsepsiýasy we durnukly düzümi kemala getirmek baradaky tekliplerini öňe sürerler.
Bilermenleriň bellemegine görä, bu forum diňe bir ýaşaýyş jaý meselesini däl, eýsem şäherleri ekologiýa taýdan arassa, energiýa tygşytlaýjy we durmuş taýdan durnukly görnüşe geçirmegiň ýollaryny hem kesgitlär. Maý aýynda geçiriljek bu global duşuşygyň ahyrynda şäherleriň geljekki ösüş ugurlaryny öz içine alýan jemleýji Jarnamanyň kabul edilmegine garaşylýar.

Gyzykly bolup bilerЕЩЕ ОТ АВТОРА