“Benfikanyň” täze ýyldyzlary

Portugaliýanyň “Benfika” kluby “Şahtýor Donesk” toparynyň 22 ýaşyndaky ukrainaly ýarymgoragçysy Georgi Sudakowy möwsümiň ahyryna çenli 6,75 million ýewro töleg bilen kärendesine transfer etdi. Lissabonlylar ony geljek tomusda 27+5 million ýewro töläp, ymykly düzümine goşup biler. Sudakow “Benfikada” 10-njy belgide oýnar. Şeýle-de “Benfika” topary “Sewilýadan” 27 ýaşyndaky ýarymgoragçy Dodi Ludebakiony 20 million ýewro transfer etdi. Belgiýaly oýunçy portugal topary bilen 5 ýyllyk şertnama gol çekişdi.