“Bundesliganyň” çempionynyň gyşdaky ilkinji transferi

“Bundesliganyň” çempiony “Baýer” gyşky transfer möwsümindäki ilkinji transferini amala aşyrdy. Hüjümini güýçlendiren lewerkuzenliler argentin topary “Weles Sarsfildiň” ýaş oýunçysy Aleho Sarkony transfer etdi. Nemes kluby 18 ýaşyndaky hüjümçi bilen 2029-njy ýylyň 30-njy iýunyna çenli şertnama baglaşdy. Aleho Sarko şu möwsümde “Weles Sarsfildiň” düzüminde çykyş eden 14 duşuşygynda 6 gol geçirip, 1 gezek asist etdi. Sarko täze klubunda 18-nji belgili köýnekçäni geýer.