Formula 1 boýunça möwsümiň 18-nji ýaryşy ABŞ-nyň Tehas ştatynyň Ostin şäherinde geçirildi. 56 aýlawdan ybarat bolan ýaryşda “Mercedes” toparynyň italýan sürüjisi Kimi Antonelli ýeňiş gazandy. 3 ýaryşlyk arakesmeden soň, möwsümäki 9-njy ýeňşini gazanan 20 ýaşyndaky sürüji pellehana 1 sagat 35 minut 16,650 sekuntda gelmegi başardy.

Ýaryşda 2-nji ýeri ýeňijiden 13,078 sekunt yza galan “Ferrari” toparynyň monakoly sürüjisi Şarl Lekler eýeledi. Münberiň 3-nji basgançagyna bolsa soňky 2 ýaryşy ýeňijisi “McLaren” toparynyň niderland sürüjisi Maks Werstappen çykdy.

Britaniýaly Lýuwis Hamiltonyň (“Ferrari”) 4-nji bolan ýaryşynda watandaşy Lando Norris (“McLaren”) 5-nji, fransiýaly Isak Hadžar (“Red Bull”) 6-njy ýeri eýeledi.

Geçirilen 18-nji ýaryşdan soň, möwsümiň tamamlanmagyna 1 bäsleşik galanda, sanawyň lideri Kimi Antonelli çempionlygyň bosagasyna geldi. Ýaş sürüji indiki tapgyrda ýeňiş gazanan ýagdaýynda ýa-da Rassell bilen Hamilton utuk alyp bilmese ilkinji çempionlygyny yglan eder. Onuň 18 ýaryşdan soň 365 utugy bolup, olup ol 2-nji ýerdäki topardaşyndan 123 utuk öňde barýar. 2-nji basgançakdaky Jorj Rasselliň 242, 3-nji ýerdäki Lýuwis Hamiltonyň 241, 4-nji orundaky Maks Werstappeniň 236, 5-nji hatardaky Şarl Lekleriň 233 utugy bar.

Möwsümiň 19-njy ýaryşy 1-nji noýabrda Meksikada geçiriler.

Gyzykly bolup bilerЕЩЕ ОТ АВТОРА