Emeli aň semizligiň bütin bedene ýetirýän zyýanyny anyklady

Germaniýadaky Gelmholts merkeziniň alymlary tarapyndan işlenip taýýarlanan «MouseMapper» emeli aň platformasy artykmaç agramyň (semizligiň) bütin organizme öýjük derejesinde ýetirýän täsirini ýüze çykardy. «Nature» žurnalynda çap edilen barlaga görä, bu innowasion gural aýratyn synalary däl-de, bütin bedeniň bitewi 3D atlasyny gurup, patologik üýtgeşmeleri doly seljerýär. Synaglaryň netijeleri semizligiň diňe bir ýag dokumalaryna däl, eýsem, bagra, myşsalara we aýratyn-da ýüzüň duýgurlygyna jogap berýän üç şahaly nerw ulgamyna çynlakaý zeper ýetirýändigini görkezdi. Alymlar bu tehnologiýanyň geljekde keselleriň kompýuter modelini döretmäge, dermanlaryň tapylmagyny çaltlandyrmaga we jandarlarda tejribeleri azaltmaga ýardam etjekdigini belleýärler.