GDA-nyň Hökümet Baştutanlarynyň geňeşiniň mejlisi geçirildi

Türkmenistanyň başlyklyk etmeginde Garaşsyz Döwletleriň Arkalaşygynyň (GDA) Hökümet Baştutanlarynyň geňeşiniň melisi geçirildi.
Türkmenistanyň Ministrler Kabinetiniň Başlygynyň orunbasary Hojamyrat Geldimyradow Türkmenistanyň Hökümetiniň adyndan wekilçilik eden mejlisine Russiýa Federasiýasynyň Hökümetiniň Başlygy Mihail Mişustin, Azerbaýjan Respublikasynyň Premýer-ministri Ali Asadow, Belarus Respublikasynyň Premýer-ministri Aleksandr Turçin, Gyrgyz Respublikasynyň Ministrler Kabinetiniň Başlygy Adylbek Kasymaliýew, Özbegistan Respublikasynyň Premýer-ministri Abdulla Aripow, Gazagystan Respublikasynyň Premýer-ministri Olžas Bektenow, Täjigistan Respublikasynyň Premýer-ministri Kohir Rasulzoda we GDA-nyň Baş sekretary Sergeý Lebedew gatnaşdy.
Mejlisiň dowamynda GDA-nyň giňişliginde söwda-ykdysady, medeni-ynsanperwer ugurlaryndaky hyzmatdaşlyk gatnaşyklary ara alnyp maslahatlaşylýar.
Dag-magdan we metallurgiýa toplumynyň pudaklaryny sanly ulgama geçirmek, ulag baglanyşygyny güýçlendirmek, radionawigasiýa ulgamlaryny ösdürmek, şeýle hem geoinformasiýa tehnologiýalary we giňişlik maglumatlary ulgamyndaky özara gatnaşyklar baradaky temalary gözden geçirmek meýilleşdirilýär. Mundan başga-da, Arkalaşygyň 2030-njy ýyla çenli döwür üçin kongres-sergi işiniň Strategiýasyny tassyklamak göz öňünde tutulýar.
GDA-nyň Hökümet Baştutanlarynyň Geňeşiniň öňki mejlisi geçen ýylyň sentýabrynda Belarusyň paýtagtynda geçirilipdi.