Girdejisi artdy, arassa peýdasy azaldy

Şu ýy­lyň bi­rin­ji çär­ýe­gin­de “Tes­la” kom­pa­ni­ýa­sy­nyň gir­de­ji­si 24 gö­te­rim ar­typ, 23,3 mil­liard dol­la­ra ýet­di. Elekt­rou­lag ön­dü­ri­ji­si­niň aras­sa peý­da­sy 24 gö­te­rim aza­lyp, 2,5 mil­liard dol­lar bol­dy. Dün­ýä­de pan­de­mi­ýa­nyň yz­da gal­ma­gy bi­len, bäs­deş­li­giň art­ma­gy ne­ti­je­sin­de, ha­ryt­la­ryň ba­ha­sy hem ar­zan­la­dy. Şeý­le­lik­de, “Tes­la” ýy­lyň ba­şyn­dan bä­ri elekt­rou­lag­la­ry­ny al­ty ge­zek ar­zan­lat­ma­ly bol­dy.
Kom­pa­ni­ýa ge­çen ýy­lyň bi­rin­ji çär­ýe­gin­de 18,8 mil­liard dol­lar­lyk gir­de­ji ga­za­nyp­dyr. Ge­çen ýy­lyň ýan­war-mart aý­la­ryn­da kom­pa­ni­ýa­nyň aras­sa peý­da­sy 3,3 mil­liard bo­lup­dyr.
“Tes­la” şu ýy­lyň bi­rin­ji çär­ýe­gin­de je­mi 422 müň 875 ulag sa­typ­dyr. De­giş­li dö­wür­de 440 müň 808 aw­tou­lag ön­dü­rip­dir. Şeý­le­lik­de, bu dö­wür­de önüm­çi­lik 44 gö­te­rim, ýer­län elekt­rou­lag­la­ry­nyň sa­ny 36 gö­te­rim ar­typ­dyr.
Kom­pa­ni­ýa elekt­rou­la­gyň ba­ha­sy­na tä­sir ed­ýän bir­nä­çe fak­to­ryň bar­dy­gy­na ün­si çe­kip, önüm­çi­li­giň ne­ti­je­li­li­gi­ni we lo­gis­ti­ka­nyň özü­ne düş­ýän ba­ha­sy­ny pe­selt­mek ar­ka­ly aw­tou­la­gyň ba­ha­syn­da­ky ar­zan­la­şy­gyň do­wam et­me­gi­ne ga­ra­şyl­ýan­dy­gy­ny bel­le­ýär.
Kom­pa­ni­ýa­nyň ABŞ-dan daş­ga­ry Ger­ma­ni­ýa­nyň Ber­lin hem-de Hy­ta­ýyň Şan­haý şä­her­le­rin­de önüm­çi­lik des­ga­la­ry bar. Ame­ri­kan kom­pa­ni­ýa­sy Mek­si­ka­da hem za­wod gur­ma­gy me­ýil­leş­dir­ýär.

Gur­ban­gö­zel Ar­ça­ýe­wa, Türk­men döw­let ma­li­ýe ins­ti­tu­ty­nyň ta­ly­by.