Wengriýanyň Sport ylymlary uniwersitetiniň alymlary tarapyndan geçirilen täze barlaglar adamynyň içege mikroflorasynyň düzüminiň biologik ýaşyň üýtgemegine we bedeniň fiziki ýagdaýyna göni täsir edýändigini ýüze çykardy. «Developmental Cognitive Neuroscience» žurnalynda çap edilen ylmy işiň netijelerine görä, içegede sowuklama döredýän zyýanly bakteriýalaryň köp bolmagy garramak prosesini çaltlandyrýar we bedeniň kuwwatynyň pese gaçmagyna alyp barýar. Tersine, peýdaly bakteriýalaryň köp bolmagy garramagy haýallatmak bilen, adamyň öz hakyky ýaşyndan has ýaş görünmegini üpjün edýär.
Hünärmenler bu netijeleri 38-84 ýaş aralygyndaky ussat kürekçileriň gatnaşmagynda geçirilýän synaglaryň, şeýle hem DNK-nyň epigenetiki markerleriniň seljermesiniň esasynda anykladylar. Professor Žolt Radagyň ýolbaşçylygyndaky ylmy toparyň tassyklamagyna görä, alnan maglumatlar geljekde ýörite probiotikleriň kömegi bilen içege mikrobiomasyny üýtgetmäge, munuň üsti bilen bolsa ömri uzaltmaga we sagdyn durmuş ýörelgesini saklamaga täze mümkinçilikleri açar.

Gyzykly bolup bilerЕЩЕ ОТ АВТОРА