Hä­zir­ki za­man dün­ýä­sin­de mag­lu­mat iň gym­mat­ly baý­lyk­la­ryň bi­ri­ne öw­rül­di. Şol baý­ly­gy top­lap, go­rap sak­la­ýan we adam­la­ra ýe­tir­ýän iň mö­hüm me­de­ni ojak­la­ryň bi­ri hem ki­tap­ha­na­lar­dyr. Ki­tap­ha­na di­ňe ki­tap­la­ryň sak­lan­ýan ýe­ri bol­man, eý­sem, ylym-bi­li­miň, me­de­ni­ýe­tiň we ru­hy ösü­şiň mer­ke­zi­dir. Şo­nuň üçin ki­tap­ha­na işi we ki­tap­ha­na­çy­lyk jem­gy­ýe­tiň ösü­şin­de aý­ra­tyn orun eýe­le­ýär. Ki­tap­ha­na işi ki­tap­la­ry di­ňe ter­tip­leş­dir­mek ýa-da oky­jy­la­ra ber­mek bi­len çäk­len­me­ýär. Bu ugur­da iş­le­ýän hü­när­men­ler tä­ze ne­şir­le­ri saý­lap al­ýar­lar, ki­tap­la­ry yl­my taý­dan ha­sa­ba al­ýar­lar, elekt­ron mag­lu­mat ba­za­la­ry­ny dö­red­ýär­ler, oky­jy­la­ryň is­leg­le­ri­ni öw­ren­ýär­ler hem-de dür­li me­de­ni çä­re­le­ri gu­ra­ýar­lar. Şeý­le hem olar ýaş­la­ryň ki­tap oka­ma­ga bo­lan hö­we­si­ni art­dyr­mak üçin du­şu­şyk­la­ry, ser­gi­le­ri, dö­re­di­ji­lik ag­şam­la­ry­ny we bäs­le­şik­le­ri ge­çir­ýär­ler.
Ki­tap­ha­na­çy­lyk sa­byr­ly­ly­gy, giň dün­ýä­ga­raý­şy, mag­lu­mat bi­len iş­le­mä­ge us­sat­ly­gy we adam­la­ra hor­mat bi­len çe­me­leş­me­gi ta­lap ed­ýän hü­när­dir. Çün­ki kä­wagt bir ki­ta­byň ýa-da bir mag­lu­mat çeş­me­si­niň dog­ry gör­ke­zil­me­gi ada­myň gel­jek­dä­ki yl­my işi­ne, hü­när saý­la­wy­na ýa-da şah­sy ösü­şi­ne tä­sir edip bi­ler. San­ly teh­no­lo­gi­ýa­la­ryň ös­me­gi bi­len ki­tap­ha­na­çy­lyk hem tä­ze de­re­jä çyk­dy. Hä­zir­ki wagt­da köp ki­tap­ha­na­lar­da elekt­ron ka­ta­log­lar, san­ly ar­hiw­ler, au­dio­ki­tap­lar we elekt­ron ki­tap­lar ula­nyl­ýar. Oky­jy­lar is­len­dik wagt komp­ýu­ter ýa-da te­le­fon ar­ka­ly ze­rur mag­lu­mat­la­ry göz­läp bil­ýär­ler. Şeý­le-de bol­sa, teh­no­lo­gi­ýa ki­ta­byň gym­ma­ty­ny pe­selt­me­di. Gaý­tam ki­tap­ha­na­çy­lar mag­lu­mat um­ma­nyn­da dog­ry çeş­mä­ni tap­ma­ga kö­mek ed­ýän ýol­be­let­le­re öw­rül­di­ler. Olar di­ňe ki­tap däl, eý­sem, yg­ty­bar­ly mag­lu­mat bi­len hem üp­jün ed­ýär­ler.
Ki­tap­ha­na äh­li ýaş­da­ky adam­la­ryň bi­lim al­ma­gy­na we özü­ni ös­dür­me­gi­ne müm­kin­çi­lik dö­red­ýär. Okuw­çy üçin ol bi­lim çeş­me­si bol­sa, ta­lyp üçin yl­my göz­leg­le­riň da­ýan­jy­dyr. Mu­gal­lym­lar, alym­lar we dö­re­di­ji­lik iş­gär­le­ri üçin bol­sa tä­ze pi­kir­le­riň we yl­ha­myň çeş­me­si­dir. Ki­tap­ha­na­lar mil­li me­de­ni mi­ra­sy go­rap sak­la­ma­ga hem uly go­şant goş­ýar. Ga­dy­my gol­ýaz­ma­lar, ta­ry­hy ne­şir­ler, seý­rek duş gel­ýän ki­tap­lar we beý­le­ki gym­mat­ly çeş­me­ler gel­jek ne­sil­ler üçin aýaw­ly sak­lan­ýar. Bu bol­sa hal­kyň ta­ry­hy­ny, di­li­ni we me­de­ni­ýe­ti­ni do­wam et­dir­mä­ge müm­kin­çi­lik dö­red­ýär.
Ki­tap­ha­na geç­miş bi­len gel­je­gi bir­leş­dir­ýän, bi­li­mi we me­de­ni­ýe­ti ne­sil­den-nes­le ge­çir­ýän mu­kad­des me­kan­dyr. Ki­tap­ha­na­çy­lyk bol­sa hal­kyň aň-bi­lim de­re­je­si­ni ýo­kar­lan­dyr­ma­ga hyz­mat ed­ýän asyl­ly kär­dir. Her bir oka­lan ki­tap tä­ze pi­kir­le­riň ga­py­sy­ny aç­ýar. Şol ga­py­nyň il­kin­ji aça­ry bol­sa ki­tap­ha­na­dyr. Ki­tap­ly jem­gy­ýet bi­lim­li, me­de­ni­ýet­li we gel­je­ge ynam bi­len bar­ýan jem­gy­ýet­dir.

Gunça SAPAROWA,
Aşgabat şäher medeniýet müdirliginiň Merkezleşdirilen kitaphanalar ulgamynyň
Çoganly şäherçe kitaphana şahamçasynyň 1-nji derejeli kitaphanaçysy.

Gyzykly bolup bilerЕЩЕ ОТ АВТОРА