PDF
Angliýanyň çempionatynda Sanawyň lideri, 18 oýundan bäri utulman gelýän “Liwerpula” öz meýdançasynda “Ipswiç Tawny” ýeňmek kyn düşmedi. 4-1 hasabynda ýeňiş gazanan “Liwerpulyň” gollaryny Sobosali, Salah hem-de Gakpo (2) geçirdi. Salah APL-däki gollarynyň sany 176-a ýetip, ol Tierri Anriden öňe geçdi. Salah ýene-de 2 gol geçirse, 6-njy orunda Frank Lampardy hem yzda galdyrar.
Çempionatda “Bornmutyň” şemaly belentden öwüsýär. 11 oýundan bäri ýeňilmän gelýän “Bornmut” topary ilkinji 4-lükde galmak üçin dyrjaşýan “Nottingam Forest” toparyny 5-0 hasabynda ýeňdi. Gollary Kluiwert, Uattara (3) hem-de Semenýo öz atlaryna ýazdyrdy. Indiki tapgyrda “Bornmut” öz meýdançasynda “Liwepuly” kabul eder.
Tapgyryň merkezi duşuşygynda “Mançester Siti” bilen “Çelsi” duşuşdy. Ýer eýeleriniň düzüminde 2 täze transfer Husanow bilen Marmuş hem esasy düzümde çykyş edip, londonlylar Husanowyň 3-nji minutdaky uly ýalňyşlygyndan soň öňe saýlandy. Maduekeniň bu goluna şäherliler 1-nji ýarymyň tamamlanmagyna 3 minut galanda Gwardiolyň goly bilen jogap berdi. 2-nji ýarymda bolsa “Siti” ýyldyz hüjümçileri – Holannyň hem-de Fodeniň tapawutlanmagynda 3-1 hasabynda ýeňşini baýram etdi.
“Arsenal” myhmançylykda “Wulwerhemptony” Kalafioriniň ýeke-täk goly bilen utdy. Şol netije “Fulham” – “Mançester Ýunaýted” duşuşygynda-da hasaba alnyp, myhmanlaryň ýeke-täk goluny goragçy Lisandro Martines öz adyna ýazdyrdy. Myhmançylykda “Tottenhamy” Wardi hem-de El-Hannusyň gollary bilen ýeňen “Lester Siti” 8 oýundan soň ilkinji ýeňşini gazandy. “Nýukasl” myhmançylykda “Southempton” bilen duşuşyp, 10-njy minutda Bednaregiň takyk urgusy esasynda öňe geçen garşydaşyny 3-1 hasabynda ýeňlişe sezewar etdi. Myhmanlaryň gollaryň 2-sini Aleksander Isak, beýlekisini-de Tonali derwezä girizdi.
Bornmut – N. Forest: 5-0 (Kluiwert 9, Uattara 55, 61, 87, Semenýo 90+1),
Braýton – Ewerton: 0-1 (Ndiaý 42 p),
Liwerpul – Ipswiç: 4-1 (Soboslai 11, Salah 35, Gakpo 44, 66 – Griwz 90),
Southempton – Nýukasl: 1-3 (Bednarek 10 – Isak 26 p, 30, Tonali 51),
Wulwerhempton – Arsenal: 0-1 (Kalafiori 75),
Man. Siti – Çelsi: 3-1 (Gwardiol 42, Holann 68, Foden 87 – Madueke 3),
K. Palas – Brentford: 1-2 (Esse 85 – Mbemo 66 p, Şade 80),
Tottenham – Lester: 1-2 (Rişarlison 33 – Wardi 46, El-Hannus 50),
Aston Willa – West Ham: 1-1 (Remzi 8 – Emerson 70),
Fulham – M. Ýunaýted: 0-1 (Martines 78)
