PDF
Angliýanyň çempionatynda “Arsenalyň” myhmançylykda “Ipswiçi” ýeňmeginden soň “Liwerpulyň” çempionlygyny indiki tapgyra galdy. “Arsenal” myhmançylykda “Ipswiç” toparyny Trossar (2), Martinelli we Nwaneriniň gollary bilen 4-0 hasabynda utdy. Bu duşuşykdan soň çempionlygy indiki tapgyra galan “Liwerpul” myhmançylykda “Lester Sitini” Aleksander-Arnoldyň 76-njy minutdaky ýeke-täk goly 1-0 hasabynda ýeňdi. Netijede, 5 tapgyr galanda, 13 utuk aratapawutlyk saklanylyp, “Liwerpul” 34-nji tapgyrda ýeňiş gazanan ýagdaýynda çempionlygyny yglan eder. Şeýle-de, öz meýdançasynda bassyr 9-njy duşuşygynda gol geçirip bilmezden utulan “Lester Siti” topary “Southemptondan” soň aşaky liga düşen 2-nji klub boldy.
“Premier Ligada” Çempionlar Ligasyna gatnaşjak 3-4-5-nji toparlaryň biri bolmak üçin 6 klubuň arasynda ýiti göreş dowam edýär. Bu ugurda göreşýän iki toparyň arasyndaky oýunda “Aston Willa” öz meýdançasynda “Nýukasly” 4-1 hasabynda ýeňdi. “Mançester Siti” myhmançylykda “Ewertony” soňky minutlarda O’Raýli hem-de Kowaçiçiň gollary esasynda 2-0 hasabynda utdy. London derbisinde “Çelsi” myhmançylykda “Fulhamdan” garşydaşynyň Iwobiniň 20-nji minutdaky goly esasynda öňe geçendigine garamazdan, soňky 10 minutda 2 gol geçirip, ýeňşini baýram etdi. “Mançester Ýunaýted” öz meýdançasynda “Wulwerhemptondan” 1-0 asgyn geldi. Şeýlelikde, “Mançester Ýunaýted” APL-niň taryhynda ilkinji gezek 1 möwsümde 15 duşuşykda ýeňlişe sezewar boldy.
Brentford – Braýton: 4-2 (Mbemo 9, 48, Wissa 58, Nergor 90+5 – Welbek 45+4, Mitoma 81),
Kristal Palas – Bornmut: 0-0,
Ewerton – Mançester Siti: 0-2 (O’Raýli 85, Kowaçiç 90+2),
West Ham – Southempton: 1-1 (Bowen 47 – Ugoçukwu 90+3),
Aston Willa – Nýukasl: 4-1 (Wotkins 1, Maatsen 64, Bern 73 ö.d., Onana 75 – Şer 18),
Fulham – Çelsi: 1-2 (Iwobi 20 – Jorj 83, Pedro Neto 90+3),
Ipswiç – Arsenal: 0-4 (Trossar 14, 69, Martinelli 28, Nwaneri 88),
Mançester Ýunaýted – Wulwerhempton: 0-1 (Sarabiýa 77),
Lester – Liwerpul: 0-1 (Aleksander-Arnold 76),
Tottenham – Nottingam Forest (şu gije)
