PDF
Taýwanyň häkimiýetleri, döwlet we hususy pudaklaryň bilelikdäki hasaplaýyş kuwwatyny 2029-njy ýyla çenli 1 200 petaflopsa çenli ýokarlandyrmak üçin boýunça “özygtyýarly emeli aň” (AI) maksatnamasyny ösdürmek üçin tagallalaryny güýçlendirýär. “Taipei Times” gazetiniň ýazmagyna görä, bu meýilnama Taýwany “emeli aň adasyna” öwürmegi maksat edinýär.
Maglumatlara görä, Taýwanda hökümet kompýuterleriniň hasaplaýyş güýji, takmynan, 19 petaflops, hususy pudaklary hasaba alaňda, 103 petaflops bolup, geçen ýylyň ahyryna çenli bu görkeziji boýunça Taýwan dünýäde 11-nji orny eýeledi. Ilkinji orunlary degişlilikde, ABŞ, Ýaponiýa, Italiýa, Şweýsariýa, Germaniýa, Finlýandiýa, Hytaý, Fransiýa, Ispaniýa we Koreýa Respublikasy eýeledi.
2025-nji ýylyň başynda Taýwanyň Milli ylym we tehnologiýa geňeşi (NSTC) hökümet superkompýuterleriniň jemi öndürijiligini 2029-njy ýyla çenli 480 petaflopsa çenli ýokarlandyrmagy meýilleşdirýändigini mälim edipdi. Ýöne hususy pudagyň gatnaşmagy bilen, şol ýyla çenli 1 200 petaflopsdan geçmegine garaşylýar.
Taýwanyň emeli aňly tehnologiýaly superkompýuteri maý aýynda işe giriziler. Şeýle hem adanyň ýolbaşçylary superkompýuter serwerleri we uly maglumatlary saklaýan desgalar üçin uly maglumat merkezini gurmagy meýilleşdirýärler. Şu ýylyň ahyryna çenli Taýwanda maglumatlary gaýtadan işleýän “bulut” merkezi açylar, 2029-njy ýyla çenli bolsa Taýnan şäherinde emeli aň maglumatlaryny gaýtadan işlemek üçin hasaplaýyş merkezi gurlar.
