Eziz Di­ýa­ry­my­za ýaz pas­ly­nyň il­kin­ji gün­le­rin­de Hal­ka­ra ze­nan­lar gü­nü­niň uly da­ba­ra bes­le­nip, giň­den bel­le­nil­me­gi gü­neş­li ül­kä­miz­de ze­nan mer­te­be­si­niň be­lent­de tu­tul­ýan­dy­gy­na şa­ýat­lyk ed­ýär. Ha­ky­kat­dan-da, türkmеn hal­ky äh­li aja­ýyp­lyk­la­ry we ýag­şy­lyk­la­ry özün­de jem­le­ýän yn­san hök­mün­de ze­na­na çuň­ňur sar­pa goý­ýar. Gahryman Arkadagymyzyň pa­ra­sat­ly­lyk bi­len bel­leý­şi ýa­ly: «Ene kal­by­nyň päk­li­gi, mäh­rem­li­gi bi­ziň dün­ýä­mi­zi, ýur­du­my­zy, öýü­mi­zi nur­lan­dyr­ýar. Şo­ňa gö­rä-de, mu­kad­des­lik hök­mün­de hor­mat­lap, biz eziz ene­le­ri­mi­zi Kä­bä de­ňe­ýä­ris».
Hal­ka­ra ze­nan­lar gü­nü­niň öň ýa­nyn­da hor­mat­ly Pre­zi­den­ti­mi­ziň Buý­ru­gy­na la­ýyk­lyk­da, hor­mat­ly dynç alyş­da­ky mäh­rem ene­le­re, mi­nistr­lik­ler­de we pu­dak­la­ýyn do­lan­dy­ryş eda­ra­la­ryn­da, eýe­çi­li­gi­niň gör­nü­şi­ne ga­ra­maz­dan, äh­li dü­züm­ler­de zäh­met çek­ýän, yl­my eda­ra­lar­da oka­ýan, şeý­le-de ta­lyp ge­lin-gyz­la­ra, or­ta mek­dep­ler­de bi­lim al­ýan, mek­de­be çen­li ça­ga­lar eda­ra­la­ryn­da ter­bi­ýe­len­ýän gyz­la­ra pul sow­gat­la­ry­nyň gow­şu­ryl­ma­gy, döw­let Baş­tu­ta­ny­my­zyň Per­ma­ny­na la­ýyk­lyk­da, se­kiz we şon­dan köp ça­ga­ny dün­ýä in­de­ren hem-de ter­bi­ýe­läp ýe­tiş­di­ren ene­le­riň 253-si­ne «Ene mäh­ri» di­ýen hor­mat­ly adyň da­kyl­ma­gy, ola­ryň bir­nä­çe­si­ne döw­re­bap ýa­şa­ýyş jaý­la­ry­nyň açar­la­ry­nyň gow­şu­ryl­ma­gy baý­ram­çy­ly­gyň şat­ly­gy­ny has-da art­dyr­dy.
Baý­ram­çy­ly­gyň şa­ny­na Aş­ga­bat we Arkadag şä­her­le­rin­de, we­la­ýat­lar­da da­ba­ra­ly mas­la­hat­lar, du­şu­şyk­lar, beý­le­ki çä­re­ler ge­çi­ril­di. Hal­ka­ra ze­nan­lar gü­nü­niň şat­lyk-şow­hu­ny paý­tag­ty­my­zyň Söw­da-se­na­gat eda­ra­syn­da ýur­du­my­zyň äh­li ge­lin-gyz­la­ry­nyň hor­ma­ty­na gu­ra­lan da­ba­ra aý­ra­tyn ma­ny-maz­mu­na eýe bol­dy. Türkmen halkynyň Milli Lideri Gahryman Arkadagymyzyň san­ly ul­gam ar­ka­ly ze­nan­la­ry gut­la­ma­gy da­ba­ra gat­na­şy­jy­lar üçin ýa­kym­ly bol­dy. «Bi­ziň mäh­ri­ban ge­lin-gyz­la­ry­myz Wa­ta­ny­my­zyň owa­dan gül-gun­ça­la­ry­dyr. Bi­ziň ge­lin-gyz­la­ry­myz öý­le­ri­mi­ziň bagt ýyl­dyz­la­ry­dyr. Türk­men hal­ky ene-ma­ma­la­ry­my­za, mäh­ri­ban ze­nan­la­ry­my­za maş­ga­la oja­gy­nyň, maş­ga­la aba­dan­çy­ly­gy­nyň eýe­si hök­mün­de ga­rap ge­lip­dir. Mäh­ri­ban ze­nan­la­ry­myz, türk­me­niň maş­ga­la ojak­la­ry­nyň si­ziň bi­len, si­ziň edep-ter­bi­ýä­ňiz bi­len do­wa­mat-do­wam­dy­gy­ny unut­ma­ly däl­si­ňiz!» di­ýip, Gahryman Arkadagymyz ar­zuw­la­ry­ny be­ýan et­di.
Mah­la­sy, ba­har pas­ly­ny nur­lan­dyr­ýan bu aja­ýyp se­nä­niň şa­ny­na gu­ra­lan çä­re­ler mäh­ri­ban ene­ler, Ze­mi­niň gül-gun­ça­la­ry bo­lan ge­lin-gyz­lar üçin ýat­dan çyk­ma­jak pur­sat­la­ra öw­rül­di.

Döw­ran AN­NA­NE­PE­SOW,
Döwletmämmet Azady adyndaky Türkmen milli dünýä dilleri institutynyň mugallymy.

Gyzykly bolup bilerЕЩЕ ОТ АВТОРА