ABŞ-nyň çempionaty MLS-iň toparlaryndan “Inter Maýaminiň” tälimçisi täzelendi. Wagtlaýynça bellenen Gillermo Hoýosyň ornuna başga bir argentinaly hünärmen, öňki futbolçy Kili Gonzales watandaşy Lionel Messiniň çykyş edýän “Inter Maýami” toparynyň täze tälimçisi boldy. 52 ýaşyndaky hünärmen ilki möwsümiň ahyryna çenli “Inter Maýamini” türgenleşdirer. Kili Gonzales futbolçylyk döwründe “Walensiýa” hem-de “Inter” toparlarynda ençeme ýyllar çykyş edipdi. Tälimçilige ýurdunyň “Rosario Sentral” toparynda başlan Kili Gonzales “Klub Atletiko Ýunion” hem-de “Platense” toparlaryny hem türgenleşdirdi.

Ýeri gelende bellesek, Kili Gonzales 2019-njy ýylda esaslandyrylan “Inter Maýami” toparynyň wagtlaýynça goýlanlary hem hasaba alsak, 5-nji argentinaly tälimçisi bolar. Topara ilki urugwaýly Diego Alonso, soňra angliýaly Gari Nýuwill tälim beripdi. Şondan soň argentinalylar Hawier Morales, Herardo Martino, Hawier Maskerano, Gillermo Hoýos tälim berip, mundan beýläk Kiki Gozales türgenleşdirer.

Gyzykly bolup bilerЕЩЕ ОТ АВТОРА