Syýahatçylyk möwsüminde çäklendirmeler aýrylar

Gresiýada pandemiýa sebäpli girizilen çäklendirmeleri azaltmak kararyna gelindi. Ýurduň saglygy goraýyş ministri Tanos Plewris ýapyk binalarda talap edilýän “COVID pass” atly sanjymy alandygyň baradaky kepilnamanyň görkezilmeginiň 1-nji maýdan başlap talap edilmejekdigini aýtdy. Ministr epidemiologik maglumatlara we bilermenleriň maslahatlaryna salgylanyp, şeýle netijä gelendiklerini belledi. Şeýle hem talyplardan talap edilýän hepdede iki gezek “Covid-19” barlagyndan geçmek düzgüniniň hem ýatyryljakdygyny habar berdi. Ýapyk binalarda agyz-burun örtügini dakmak bolsa, 31-nji maýa çenli dowam eder. 1-nji sentýabrda bolsa, bu çäklendirmelere gaýtadan serediler.

Güneşli adalary bolan Gresiýa dünýäniň iň meşhur syýahatçylyk ýurtlarynyň biridir. 11 million ilaty bolan ýurduň ilatynyň 72 göterimi doly sanjym alypdyr. Ýurda 2019-njy ýylda 33 milliondan gowrak syýahatçy gelipdir. Bu ýyl bolsa şol görkezijiniň 80 göterimine barabar jahankeşdäniň gelmegine garaşylýar.

Maýsa Gubaýewa,

Türkmen döwlet maliýe institutynyň talyby