Amsterdamly suratkeş Maşaru Londonyň meşhur “Somerset House” merkezinde Ýer gününiň öňüsyrasynda “Iýilýän toprak muzeýini” açdy. Ol bu geň galdyryjy sergi arkaly adamlary tebigat bilen ýakyndan baglanyşmaga we topragyň dadyp görmäge çagyrýar. Sergide dünýäniň 44 ýurdundan ýygnalan 600-den gowrak dürli toprak we palçyk nusgalary görkezilýär. Hatda gelen myhmanlara ýörite barlagdan geçen mineral nusgalarynyň dadyp görmäge hem rugsat berilýär.
Suratkeşiň pikiriçe, geofagiýa, ýagny, toprak iýmek endigi diňe bir medeni däp ýa-da lukmançylyk taýdan iýmit bozulmasy däl-de, eýsem, häzirki zaman adamynyň tebigatdan daşlaşmagyna garşy özboluşly bir garşylykdyr. Ilki başda ýönekeý bir sungat taslamasy hökmünde başlan bu muzeý, häzirki wagtda ekologiýa, antropologiýa we himiýa ylymlarynyň utgaşýan ylmy merkezine öwrüldi.
Muzeýiň esaslandyryjysy bu adatyň taryhynyň örän gadymydygyny, hatda lukmançylygyň atasy Gippokratyň hem bu barada agzap geçendigini belleýär. Käbir halklaryň arasynda topragyň bejerijilik ukybyna bolan ynam entek hem saklanyp galýar. Şeýle-de bolsa, hünärmenler göni aýak astyndaky topragy iýmegiň howpludygyny duýdurýarlar; sebäbi onuň düzümindäki dürli bakteriýalar we zäherli maddalar saglyga uly zyýan ýetirip biler.
Bu taslama diňe bir toprak iýmek baradaky geň habar däl-de, eýsem jemgyýetdäki synpy tapawutlara, şeýle hem ekologiýa meselelerine täzeçe seretmäge kömek edýän medeni bir çäredir.

Gyzykly bolup bilerЕЩЕ ОТ АВТОРА