Ýaponiýanyň paýtagty Tokioda geçirilen ilkinji “Humanoid Robot Expo” sergisinde adamsypat robotlaryň önümçiliginde Hytaýyň agdyklyk edýändigi we Ýaponiýanyň programma üpjünçiligi arkaly bu ýaryşa goşulýandygy mälim edildi. Sergide özi degişme aýdyp, tekjeden suw alyp bilýän “Galbot” ýaly hytaý robotlary uly gyzyklanma döretdi. Hytaý robot tehnologiýalaryny özüniň bäş ýyllyk ösüş meýilnamasynyň ileri tutulýan ugurlarynyň biri hökmünde görse-de, ýapon kompaniýalary robotlaryň hakyky dünýäde hereket etmegini üpjün edýän “fiziki emeli aň” we maglumat düzümi ugrunda öz ornuny berkitmäge çalyşýarlar.
Hünärmenleriň pikiriçe, robotlaryň tans etmek ýaly öňünden kesgitlenen hereketleri ýerine ýetirmegi aňsat bolsa-da, dürli görnüşli zatlary tutmak ýaly çylşyrymly işler uly kynçylyk bolup galýar. Işçi güýjüniň barha azalýan we ilaty çalt garraýan Ýaponiýa ýaly ýurtlar üçin bu robotlar geljekde önümçilikde we öý işlerinde adamyň ýakyn hyzmatdaşy bolar diýlip garaşylýar. Çäräni guraýjy Atomu Simodanyň belleýşi ýaly, maksat adamlary robotlar bilen çalyşmak däl-de, eýsem, olary adamyň işini ýeňilleşdirýän we bilelikde işleşýän hakyky hyzmatdaşlara öwürmekdir.

Gyzykly bolup bilerЕЩЕ ОТ АВТОРА