Çaga dogluşy on ýyl bäri azalyp gelýän Ýaponiýada geçen 2025-nji ýylda täze pes dereje hasaba alyndy, bu barada ýurduň Saglygy goraýyş ministrliginiň deslapky maglumatlaryna salgylanýan «The Japan Times» gazeti habar berdi.
Ýagny Ýaponiýada çaga dogluşy geçen ýyl 705 müň 809-e çenli azaldy we bu öňki ýyldakyndan 15 müň 179 çaga azdyr. Deslapky maglumatlarda ýurtda ýaşaýan daşary ýurt raýatlarynyň maşgalalarynda dünýä inen çagalar-da hasaba alnypdyr. Ýaponiýanyň öz raýatlarynyň arasynda çaga dogluşyny hasaba alýan gutarnykly sanlar gijräk çap ediler.
«The Japan Times» gazeti Hökümetiň bu meseläni çözmek barada tagalla edýändigine garamazdan, dogluşyň pes depgininiň Ýaponiýanyň Milli ilatlaşmak we durmuş üpjünçiligi boýunça ylmy barlaglar institutynyň çaklamalaryndan 15 ýyl öňe ozýandygyny belleýär.

Gyzykly bolup bilerЕЩЕ ОТ АВТОРА