Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de pa­ra­hat­çy­ly­gyň şä­he­ri diý­lip yk­rar edil­ýän gö­zel paý­tag­ty­myz Aş­ga­bat hor­mat­ly Pre­zi­den­ti­mi­ziň taý­syz ta­gal­la­la­ry bi­len ta­ry­hy ösüş­le­ri baş­dan ge­çir­ýär. Äh­li öz­gert­me­le­riň nus­ga­lyk keş­bin­de gö­zel paý­tag­ty­my­zyň şä­her­gur­lu­şyk keş­bi­ni gör­mek bol­ýar. Hor­mat­ly Pre­zi­den­ti­mi­ziň öň­den­gö­rü­ji­lik­li sy­ýa­sa­ty we taý­syz ta­gal­la­sy ne­ti­je­sin­de Aş­ga­bat şä­he­ri düýp­li öz­ge­riş­le­re eýe bol­dy. Paý­tag­ty­my­zyň dür­li kün­je­gin­de dün­ýä ül­ňü­le­ri­ne la­ýyk gel­ýän ýa­şa­ýyş jaý­la­ry­nyň, ýo­ka­ry we or­ta okuw mek­dep­le­ri­niň, ça­ga­lar bag­la­ry­nyň, eda­ra-kär­ha­na­la­ryň we beý­le­ki mö­hüm äh­mi­ýet­li des­ga­la­ryň gur­lu­şyk­la­ry­nyň ýo­ka­ry dep­gin­de do­wam et­me­gi şä­her­gur­lu­şyk-bi­na­gär­lik keş­bi­niň öz­ger­me­gi­ne ýar­dam ed­ýär. Paý­tag­ty­myz­da aja­ýyp bi­na­la­ryň en­çe­me­si­niň gu­rul­ma­gy, hal­ky­my­zyň eş­ret­li dur­muş­da ýa­şa­ma­gy üçin bi­na edil­ýän ýa­şa­ýyş jaý­la­ry, dün­ýä ül­ňü­le­ri­ne la­ýyk gel­ýän aw­to­mo­bil ýol­la­ry mer­jen şä­he­ri­mi­zi dün­ýä­niň döw­re­bap hem-de nus­ga­lyk şä­her­le­ri­niň bi­ri­ne öwür­mek ba­bat­da al­nyp ba­ryl­ýan iş­le­riň aja­ýyp mi­we­si­dir.
Ýur­du­myz­da her ýy­lyň maý aýy­nyň 25-ine Aş­ga­bat şä­he­ri­niň gü­ni hem-de «Soň­ky jaň» da­ba­ra­sy uly şat­lyk-şow­hun bi­len bel­le­ni­lip ge­çil­ýär. Şan­ly se­ne­le­riň se­ne­na­ma­syn­da in­di bir­nä­çe ýyl bä­ri 25-nji maý Aş­ga­bat şä­he­ri­niň gü­ni hök­mün­de da­ba­ra­ly bel­le­nil­ýär. Mu­nuň özi hal­ky­my­zyň gö­zel paý­tag­ty­my­za goý­ýan hor­mat-sar­pa­sy­nyň ny­şa­ny­dyr. Bu ýyl bol­sa Aş­ga­bat şä­he­ri­niň gü­nü­niň öň­ýa­nyn­da paý­tag­ty­my­zyň gü­nor­ta bö­le­gin­de – Kö­pet­da­gyň aja­ýyp dag ete­gin­de hor­mat­ly Pre­zi­den­ti­mi­ziň gat­naş­ma­gyn­da Mag­tym­gu­ly Py­ra­gy­nyň ýa­dy­gär­li­gi­niň hem-de «Mag­tym­gu­ly Py­ra­gy» me­de­ni-se­ýil­gäh top­lu­my­nyň аçy­lyş da­ba­ra­sy bol­dy. Bu şan­ly wa­ka 2024-nji ýyl­da be­ýik şa­hyr Mag­tym­gu­ly Py­ra­gy­nyň dog­lan gü­nü­niň 300 ýyl­ly­gy­na ba­gyş­la­nyp, ýur­du­myz­da we hal­ka­ra de­re­je­sin­de ge­çi­ril­ýän da­ba­ra­la­ryň öz­bo­luş­ly do­wa­my bo­lup dur­ýar. Türk­men we dün­ýä ede­bi­ýa­ty­nyň meş­hur we­ki­li­niň heý­ke­li bi­na edi­len me­de­ni-se­ýil­gäh top­lu­my­ny dö­ret­mek baş­lan­gy­jy Gah­ry­man Ar­ka­da­gy­myz ta­ra­pyn­dan öňe sü­rül­di.
2013-nji ýy­lyň 25-nji ma­ýyn­da Aş­ga­bat ak mer­mer­li bi­na­la­ryň has köp jem­le­nen şä­he­ri hök­mün­de Gin­ne­siň Bü­tin­dün­ýä re­kord­lar ki­ta­by­na gi­ri­zil­di. Şeý­le­lik­de, paý­tag­ty­myz dün­ýä­de ak mer­mer bi­len ör­tü­len bi­na­la­ryň has köp top­la­nan şä­he­ri hök­mün­de Gin­ne­siň re­kord­lar ki­ta­byn­da my­na­syp or­ny eýe­le­di. Umu­man, gö­zel paý­tag­ty­myz­da bi­na edi­len bir­nä­çe aja­ýyp bi­na­lar bu ady ag­zal­ýan meş­hur ki­tap­da my­na­syp orun al­ýar. Paý­tag­ty­my­zyň ka­şaň we gö­ze ge­lüw­li keş­bi­ni dö­red­ýän des­ga­la­ryň bir­nä­çe­si hem şol ki­ta­ba gi­ri­zil­di. «Dün­ýä­niň iň be­lent flagş­to­gy», «Oguz­han» suw çüw­dü­rim­ler top­lu­my, «Älem» me­de­ni-dynç alyş mer­ke­zi, «Türk­me­nis­tan» te­le­ra­dio­ýaý­lym­lar mer­ke­zi bi­na­gär­lik aý­ra­tyn­ly­gy bi­len iki ta­ra­py ýö­ri­te aý­na bi­len ör­tü­len Oguz ha­nyň ýyl­dy­zy, Aş­ga­ba­dyň Hal­ka­ra ho­wa men­zi­li­niň esa­sy ýo­lag­çy ter­mi­na­lyn­da ýer­leş­di­ri­len gö­lüň şe­ki­li, Aş­ga­ba­dyň Olim­pi­ýa sta­dio­ny­nyň mün­be­rin­dä­ki ahal­te­ke be­de­wi­niň çe­per keş­bi hem-de Spor­tuň suw gör­nüş­le­ri bo­ýun­ça mer­ke­zi ýa­ly bir­nä­çe bi­na­lar Gin­ne­siň Bü­tin­dün­ýä re­kord­lar ki­ta­by­na gi­ri­zi­len­dir. Gahryman Arkadagymyzyň baş­lan­gy­jy bi­len paý­tag­ty­myz­da gur­lup, ula­nyl­ma­ga ber­len aja­ýyp des­ga­la­ryň Gin­ne­siň Bü­tin­dün­ýä re­kord­lar ki­ta­by­na gi­ri­zil­me­gi türk­men döw­le­ti­niň bi­na­gär­lik sun­ga­ty­nyň be­lent sep­git­le­re ýe­ten­di­gi­niň ny­şa­ny­dyr. Mu­nuň şeý­le bol­ma­gy bi­ziň her bi­ri­mi­zi diý­seň buý­san­dyr­ýar. Bu gör­ke­zi­ji­ler Aş­ga­ba­dyň dün­ýä­niň owa­dan şä­her­le­ri­niň ha­ta­ryn­da öz or­nu­ny pug­ta­lan­dyr­ýan­dy­gy­nyň aý­dyň su­but­na­ma­sy­dyr.
Paý­tag­ty­myz Aş­ga­bat hä­zir­ki wagt­da döw­re­bap ösü­şiň mil­li nus­ga­sy­na öw­rül­di. Al­nyp bar­lan gur­lu­şyk­la­ryň, dur­mu­şa ge­çi­ri­len tä­ze­çil baş­lan­gyç­la­ryň ne­ti­je­sin­de paý­tag­ty­my­zyň gör­ki, bi­na­gär­lik keş­bi düýp­gö­ter öz­ger­di. Aş­ga­bat özü­niň aras­sa­ly­gy, suw çüw­dü­rim­le­ri­niň aja­ýyp saz­la­şy­gy bi­len gö­ren­le­ri haý­ran gal­dyr­ýar. Aş­ga­ba­da myh­man bo­lup ge­len her bir ada­myň il­kin­ji sö­zi paý­tag­ty­my­zyň gö­zel­li­gin­den baş­lan­ýar. Azi­ýa­nyň mer­jen şä­he­ri­ne öw­rü­len paý­tag­ty­my­zyň dün­ýä de­re­je­sin­de yk­rar edil­me­gi bi­ziň her bi­ri­mi­ziň kal­by­myz­da buý­sanç duý­gu­sy­ny dö­red­ýär.
Ga­raş­syz­lyk ýyl­la­ryn­da Aş­ga­ba­dyň sy­ýa­sy, yk­dy­sa­dy we me­de­ni mer­kez hök­mün­dä­ki or­ny git­di­gi­çe gi­ňe­ýär we ber­ke­ýär. Aja­ýyp se­ýil­gäh­ler paý­tag­ty­my­zyň gö­zel kün­jek­le­ri­niň bi­ri­dir. Kö­çe­le­riň gül-gül­zar­ly­ga, ba­gy-bos­san­ly­ga bü­rel­me­gi şä­he­riň eko­lo­gi­ýa me­se­le­si­ne uly üns be­ril­ýän­di­gi­ne şa­ýat­lyk ed­ýär. Aş­ga­ba­dyň çar kün­je­gin­de bi­na­gär­lik top­lum­la­ry­na saz­la­şyk­ly ut­ga­şyp gid­ýän se­ýil­gäh­ler, ýa­şyl zo­lak­lar paý­tag­ty­my­zyň keş­bi­ne aý­ra­tyn owa­dan­lyk ber­ýär. Paý­tag­ty­my­zyň gaý­ta­lan­ma­jak gö­zel­li­gi, asu­da­ly­gy, ýa­şa­mak üçin ra­hat­ly­gy äh­li dö­wür­ler­de hem ýa­zy­jy-şa­hyr­la­ryň, bag­şy-sa­zan­da­la­ryň yl­ha­my­ny joş­du­ryp ge­lip­dir. Me­de­ni­ýet we sun­gat iş­gär­le­ri öz­le­ri­niň dö­re­di­ji­li­gin­de paý­tag­ty­my­zyň aja­ýyp­ly­gy­ny uly joş­gun, söý­gi bi­len dö­red­ýär­ler. Şy­gyr­lar­da, aý­dym­lar­da, dür­li dö­re­di­ji­lik eser­le­rin­de paý­tag­ty­my­zyň was­py ýe­ti­ri­lýär.
Gün­do­ga­ryň dür­dä­ne­si­ne, dün­ýä­niň esa­sy sy­ýa­sy mer­kez­le­ri­niň bi­ri­ne öw­rül­ýän paý­tag­ty­myz gö­zel­li­giň nus­ga­sy­dyr. Hor­mat­ly Pre­zi­den­ti­mi­ziň taý­syz ta­gal­la­sy bi­len Aş­ga­bat şä­he­ri­ni aba­dan­laş­dyr­mak hem-de hu­kuk bin­ýa­dy­ny ber­kit­mek ug­run­da al­nyp ba­ryl­ýan iş­ler hal­ky­my­zyň bag­ty­ýar dur­muş­da ýa­şa­ma­gy, yh­las­ly hem dö­re­di­ji­lik­li zäh­met çek­me­gi, me­de­ni­ýet­li dynç al­ma­gy üçin äh­li müm­kin­çi­lik­le­riň dö­re­dil­ýän­di­gini gör­kez­ýär. Ýur­du­myz­da­ky me­de­ni-dur­muş mak­sat­ly bi­na­dyr des­ga­la­ryň bir­nä­çe­si paý­tag­ty­my­zyň ady­ny buý­sanç bi­len gö­ter­ýär. Aş­ga­bat – Wa­ta­ny­my­zyň ýü­re­gi, hal­ky­my­zyň buý­san­jy. Mer­mer şä­he­ri­miz Aş­ga­bat hor­mat­ly Pre­zi­den­ti­mi­ziň ama­la aşyr­ýan aja­ýyp iş­le­ri­niň şa­ýa­dy bo­lup, asyr­lar­dan asyr­la­ra aşyp, Ýer ýü­zü­ne şug­la saç­syn!

Gül­şat Ata­my­ra­do­wa,
Türkmen döwlet binagärlik-gurluşyk institutynyň uly mugallymy.

 

Gyzykly bolup bilerЕЩЕ ОТ АВТОРА