To­mus pas­ly­nyň do­wam edýän gün­le­rin­de ser­gin­le­mek hem-de wag­ty­my­zy has-da şa­dy­ýan ge­çir­mek üçin iň gy­zyk­ly güý­men­je­le­riň bi­ri hem ýüz­mek bol­sa ge­rek. De­ňiz ke­na­ryn­da, ça­ga­lar sa­gal­dyş-dynç alyş mer­kez­le­rin­de ýö­ri­te ho­wuz­lar bo­lup, bu ýer­ler­de ça­ga­lar üçin ýüz­mä­ge müm­kin­çi­lik­ler dö­re­di­len. Şeý­le hem paý­tag­ty­myz­da we we­la­ýat­la­ry­myz­da suw-sport des­ga­la­ry bo­lup, ol ýer­ler­de dür­li ýaş­da­ky ça­ga­lar üçin ni­ýet­le­nen ho­wuz­lar­da is­leg bil­dir­ýän­le­re ýüz­me­giň düz­gün­le­ri öw­re­dil­ýär. Ýüz­mek be­den üçin iň peý­da­ly sport gör­nüş­le­ri­niň bi­ri ha­sap­lan­ýar. Eýsem, ýüz­me­giň nä­hi­li peý­da­la­ry bar­ka?!
Beý­le­ki sport gör­nüş­le­rin­den ta­pa­wut­ly­lyk­da ýüz­mek be­de­niň äh­li ag­za­la­ry­nyň deň de­re­je­de he­re­ket et­me­gi­ni ta­lap ed­ýär. Su­wuň bel­li bir gar­şy­ly­gy bo­lup, ony ýe­ňip geç­mek üçin güýç, tiz­lik, çy­dam­ly­lyk we çe­ýe­lik ge­rek. Ke­se­li­gi­ne he­re­ket edil­ýän­di­gi se­bäp­li yzy­gi­der­li ýüz­me­giň bo­ýuň ös­me­gi­ne hem peý­da­sy­nyň bar­dy­gy bel­le­nil­ýär. Ýüz­mek özü­ňe bo­lan yna­my­ňy ber­kid­ýär. Hü­när­men­ler ýüz­mek bi­len meş­gul­lan­ýan ça­ga­la­ryň okuw ders­le­ri­ni has go­wy öz­leş­dir­ýän­dik­le­ri­ni bel­le­ýär­ler.

Howp­suz­lyk düz­gün­le­ri­ni ber­jaý ediň!
Ýü­züp bil­me­ýän bol­sa­ňyz, çuň ýa-da akyp du­ran su­wa gir­mek­den sak­la­nyň! Çün­ki bu si­ziň üçin howp­lu­dyr. Ho­wuz­dan ýa-da de­ňiz­den çy­kan ba­dy­ňy­za aras­sa suw bi­len ýu­wun­ma­ly. Na­har­dan soň we aç wag­tyň su­wa gir­mek mas­la­hat be­ril­me­ýär. Şol se­bäp­li na­har­la­ny­lan­dan 1 sa­gat çe­me­si wagt­dan soň ýüz­mek mas­la­hat be­ril­ýär.
Su­wa gi­ri­len­de aras­sa­ly­gy­na üns ber­me­li. De­ňiz su­wy şor (duz­ly) bo­lan­dy­gy üçin süý­ji su­wa ga­ra­nyň­da, has dy­kyz bol­ýar. Şor su­wa ga­ra­nyň­da süý­ji suw­da ýüz­mek has kyn. Ýa­ta suw­la­ra, ha­pa suw­ly köl­le­re ýa-da su­wy wagt­ly-wag­tyn­da çal­şyl­ma­dyk ho­wuz­la­ra gir­mek­den ga­ça dur­ma­ly. Göz we de­ri ke­sel­le­ri suw ar­ka­ly hem ge­çip bil­ýär. Süýr gü­nor­tan – Gün şöh­le­si­niň dik düş­ýän wag­ty su­wa gir­mek­den sak­lan­ma­ly.
Çalt ak­ýan suw ýüz­me­gi kyn­laş­dyr­ýar. Suw­da how­sa­la düş­mek gark bol­ma­gyň esa­sy se­bäp­le­ri­niň bi­ri bo­lup, dow­la dü­şen adam al­jy­rap özü­ni ýi­tir­ýär. Şeý­le ýag­daý­lar­da özü­ňi asu­da alyp bar­ma­ly. Ýö­ri­te ho­wuz­la­ryň tö­we­re­gi ty­pan­çak bol­ýan­dy­gy se­bäp­li, bu ýer­ler­de yl­ga­ma­ly däl. Aýa­gyň ta­ýyp, ýy­kyl­ma­gyňyz müm­kin. Oýun edip hem bol­sa, hiç ki­mi ha­bar­syz su­wa it­me­li däl. Ýa­da­ny­ňy­zy du­ýan ba­dy­ňy­za suw­dan çyk­ma­ly. Çuň, bu­la­nyk we be­let bol­ma­dyk ýer­le­ri­ňiz­de su­wa gir­mek­den sak­lan­ma­ly. Su­wa bir­den bök­me­li däl. Ýüz­mä­ge ök­de bol­sa­ňyz hem su­wa gi­re­ni­ňiz­de ýa­ny­ňyz­da kim­dir bi­ri­niň bol­ma­gy­na üns be­riň, ýe­ke­lik­de ýüz­mek­den ga­ça du­ruň!

Gyzykly bolup bilerЕЩЕ ОТ АВТОРА