“Harry Potter” kitaplar toplumynyň birinji jildiniň ilkinji neşiriniň sahabynyň suraty rekord bahadan satyldy. “Pelsepe daşy” atly kitabyň daşynyň suraty “Sotheby’s” öýi tarapyndan 1,9 million dollara satyldy. Auksion öýi kartinanyň häzire çenli satylan iň gymmat “Harry Potter” önümi bolandygyny belleýär. J.K.Rowling tarapyndan ýazylan eseriň dürli jiltleri köp wagtlap bestseller bolupdy. Köp jiltli kitabyň birnäçe nusgasy häzire çenli geçirilen auksionlarda gymmat bahalardan satylypdy. Auksion öýi suratyň 400-600 müň dollar aralygynda satylmagyna garaşylýandygyny mlim edipdi. Auksion öýüniň wekili Kalika Sands ilkinji kitabyň 2001-nji ýylda 108 dollara satylmagy bilen auksionda satylan suratyň bahalarynyň arasyndaky tapawuda ünsi çekip, geçen ýyllaryň dowamynda Heriniň hekaýatynyň tamamlanmagyny, kitaplar toplumynyň nähili ulalandygyny we bu wagtyň dowamynda täze nesliň Herini we onuň syýahatyna hormat goýýandygyny görmegiň örän ajaýyp zatdygyny aýtdy.
