Pep Guardiolanyň tälimçiligindäki “Mançester Siti” toparyndaky şowsuzlyk dowam edýär. Ähli ýaryşlary hasaba alanyňda 5 oýundan bäri utulyp gelýän “Mançester Siti” öz meýdançasynda “Feýenoord” bilen duşuşdy. 50 minutda 3 gol geçiren Pepiň şägirtleri 3-0 hasabynda öňe saýlandy. Gollary 44-nji minutda penaltiden hem-de 53-nji Erling Holann bilen 50-nji minutda Ilkaý Gündogan geçirdi. Holannyň Çempionlar Ligasyndaky gollarynyň sany 44 oýunda 46 boldy. Ýöne oýnuň soňky 15 minutynda myhmanlar başgaça oýun görkezdi. 75-nji minutda Hadj Mussa aratapawudy 2 gola düşürse, 82-nji minutda Himenes rotterdamlylary hasam umytlandyrdy. Oýnuň 89-njy minutynda bolsa Hansko hasaby deňledi. Şunlukda, “Mançester Siti” Çempionlar Ligasynyň taryhynda 3-0 hasabynda öňde barýarka, 75-nji minutdan soň 3 gol geçirdip, ýeňşi elden gideren ilkinji topar boldy. Agza-burna gelen ýeňşi elden gideren “Mançester Sitiniň ýeňlişsiz ýörişi 6 oýna çykdy. Klubuň indiki duşuşygy çempionatda ýekşenbe güni myhmançylykda “Liwerpul” bilen bolar.
