Hormatly Prezidentimiz 28-nji awgustda sanly ulgam arkaly geçiren Ministrler Kabinetiniň mejlisinde ýurdumyzda 2-nji sentýabrda bugdaý ekişine, 9-njy sentýabrda pagta ýygymyna girişmek boýunça ak pata berdi. Hormatly Prezidentimiziň ak patasyndan göwünleri galkynan ýurdumyzyň edermen gallaçylary 2-nji sentýabrda güýzlik bugdaý ekişine girişdiler.

Güýzlük bugdaý ekişine girişilmegi mynasybetli ýurdumyzyň ähli sebitlerinde welaýat we etrap häkimlikleriniň wekilleriniň, daýhan birleşikleriniň, oba hojalygyna dahylly edara-kärhanalaryň ýolbaşçylarynyň, agronomlaryň, mehanizatorlaryň, alymlaryň, tejribeli kärendeçileriň, hormatly ýaşulularyň gatnaşmagynda tejribe maslahatlary geçirildi.

Şu möwsümde ýurdumyz boýunça 690 müň gektar meýdanda güýzlük bugdaý ekişi geçirilip, şonça ýerden 1 million 400 müň tonna hasyl almak maksat edinilýär. Şol sanda Ahal welaýatynda 400 müň tonna, Balkan welaýatynda 80 müň tonna, Daşoguz welaýatynda 265 müň tonna, Lebap welaýatynda 310 müň tonna, Mary welaýatynda 345 müň tonna bugdaý hasylyny öndürmek meýilleşdirilýär. Ýurdumyzyň ekin meýdanlarynda bugdaýyň bol hasyl berýän görnüşleri bilen bir hatarda, Oba hojalyk ministrliginiň Ylmy-barlag däneçilik instituty tarapyndan döredilen «Serdar», «Arkadag» we «Pyragy» tohumlary-da ekiler.

Gyzykly bolup bilerЕЩЕ ОТ АВТОРА