Her pas­lyň özü­ne mah­sus te­bi­gy gö­zel­li­gi bar. Pa­syl­la­ryň ça­lyş­ma­gy bi­len te­bi­gat, şä­her­ler, oba­lar öz­bo­luş­ly gör­nü­şe eýe bol­ýar. Güýz pas­ly gy­zyl, sa­ry we mä­mi­şi ýap­rak­la­ryň öwüş­gi­ni bi­len ja­dy­ly dün­ýä­ni eme­le ge­tir­ýär. Sy­ýa­hat­çy­la­ryň kö­pü­si bu pa­syl­da sa­ry do­na bü­re­nen owa­dan te­bi­ga­ta we şä­her­le­re ge­ze­lenç et­mä­ge çyk­ýar­lar. Te­bi­gat­da ge­ze­lenç et­mek, sary ýap­rak dü­şe­len ýo­da­lar­dan ýö­räp, daş-tö­we­re­giň gö­zel­li­gi­ni syn­la­mak her bir ada­myň kal­byn­da aja­ýyp duý­gu­la­ry dö­red­ýär. Ga­ze­ti­mi­ziň şu sa­nyn­da güýz pas­lyn­da sy­ýa­hat edil­ýän owa­dan ýer­ler bi­len ta­nyş­dyr­ma­gy ma­kul bil­dik.
Wer­mont. Wer­mont sa­ry do­na bü­re­nen oba­la­ry, al­tyn­sow ýap­rak­lar bi­len ör­tü­len köp­rü­le­ri we aý­law­ly de­pe­le­ri bi­len ja­dy­ly dün­ýä­ni eme­le ge­tir­ýär. ABŞ-nyň de­mir­ga­zyk-gün­do­ga­ryn­da­ky bu ştata bar­ýan sy­ýa­hat­çy­lar gy­zyl, mä­mi­şi we sa­ry ýap­rak­lar bi­len ör­tü­len üs­ti üçek­li köp­rü­le­ri şä­he­riň ny­şa­ny ha­sap­la­ýar­lar.
On­ta­rio. Güýz pas­lyn­da özü­ne çe­ki­ji ýer­le­riň bi­ri-de Ka­na­da­nyň On­ta­rio welaýaty bo­lup, To­ron­to­nyň go­la­ýyn­da­ky bu şä­her­de Hok­li jül­ge­si­ne we Ka­le­don de­pe­le­ri­ne sy­ýa­hat edip bi­ler­si­ňiz. Bu­lar­dan baş­ga-da, Al­gon­kin we Kil­lar­ni se­ýil­gäh­le­ri güýz pas­lyn­da mä­mi­şi-sa­ry ly­ba­sa bü­re­nip, te­bi­ga­ty sö­ýü­ji­ler­de tä­sin duý­gu­la­ry dö­red­ýär.
Tos­ka­na. Italiýanyň tus­kan to­kaý­la­ry bi­len meş­hur­lyk ga­za­nan Toskana sebitine güýz pas­lyn­da sy­ýa­hat edip, Wen­dem­mi­ýa dä­bi­ne (üzüm ha­sy­ly­nyň baý­ram­çy­ly­gy) gat­na­şyp bol­ýar. Eke­ran­çy­lyk ba­bat­da ösen bu şä­her­de güýz pas­ly ýy­lyň iň esa­sy möw­sü­mi ha­sap­lan­ýar. Ita­li­ýa­nyň aý­law­ly de­pe­le­ri, üzüm meý­dan­la­ry we özü­ne çe­ki­ji oba­la­ry bi­len ta­nal­ýan Tos­ka­na se­bi­ti güýz­de ro­man­tik peý­za­žy dö­red­ýär. Se­bit­dä­ki San Ji­min­ýa­no we Mon­te­pul­ça­no ýa­ly Or­ta asyr şä­her­le­rin­de aý­la­nyp, ýa­ýy­lyp ýa­tan al­tyn­sow ýap­rak­ly üzüm meý­dan­la­ry­ny syn­lap bol­ýar. Tos­ka­na­ güýz pas­ly­nyň asu­da gö­zel­li­gi­ni syn­la­mak üçin iň aja­ýyp ýer­le­riň bi­ri­dir.
Ba­wa­ri­ýa. Ba­wa­ri­ýa­nyň özü­ne çe­ki­ji peý­zaž­la­ry güýz pas­lyn­da ha­sam gö­zel­leş­ýär. Sebitiň aý­law­ly de­pe­le­ri, Or­ta asyr­da gur­lan ga­la­la­ry we Alp dag­la­ry­nyň ete­gin­dä­ki özü­ne çe­ki­ji reňk­li oba­la­ry güýz pas­lyn­da ge­ze­len­je çyk­ýan sy­ýa­hat­çy­la­ryň ün­sü­ni özü­ne çek­ýär. Er­te­ki­le­ri ýa­dy­ňa sal­ýan Noýş­wanş­taýn ga­la­sy güýz pas­ly­nyň keş­bin­de sebiti örän owa­dan gör­kez­ýär. Ba­wa­ri­ýa bar­ýan sy­ýa­hat­çy­lar üs­ti gar bi­len ör­tü­len Alp dag­la­ry­na çy­kyp, gyz­gylt-sa­ry jül­ge­ler­de ýa­ba­ny te­bi­gat­da dynç alyp bil­ýär­ler.
Kýo­to. Ýa­po­ni­ýa­nyň Kýo­to şä­he­ri güýz pas­lyn­da has-da gö­zel­leş­ýär. Bu pa­syl­da şä­he­re bar­ýan sy­ýa­hat­çy­lar öz­le­ri­ni ja­dy­ly dün­ýä dü­şen ýa­ly duý­ýar­lar. Şä­her­dä­ki ýa­pon mo­mi­ji agaç­la­ry, Ki­ýo­mi­zu-de­ra we To­fu­ku-ji bag­la­ry gyr­my­zy hem al­tyn­sow reňk­le­riň saz­la­şy­gy­ny eme­le ge­tir­ýär. Şeý­le hem güýz pas­lyn­da Kýo­to şä­he­rin­dä­ki Ara­şi­ýa­ma bam­buk to­kaý­lyk­la­ry özü­ne çe­ki­ji gör­nü­şe eýe bol­ýar.
Se­ul. Ko­re­ýa­ Res­pub­li­ka­sy­nyň gül­läp ös­ýän paý­tag­ty güýz pas­lyn­da aja­ýyp gör­nü­şe eýe bol­ýar. Se­ul­da­ky döw­re­bap bi­na­la­ryň, köp şa­ha­ly kö­çe­le­riň ara­syn­da­ky se­ýil­gäh­le­ri we ta­ry­hy ýer­le­ri güýz aja­ýyp­ly­gy gur­şap al­ýar. Şä­her­dä­ki mil­li däp-des­sur­la­ryň ge­çi­ril­ýän ýe­ri bo­lan Kýon­bok­kun köşk top­lu­my sa­ry ýap­rak­lar bi­len ör­tül­ýär. Güýz pas­lyn­da şä­he­re bar­ýan sy­ýa­hat­çy­lar ko­reý­le­riň mil­li ly­ba­sy bo­lan han­bok ge­ýip, Nam­san we Olim­pi­ýa se­ýil­gä­hin­dä­ki al­tyn­sow ýap­rak­la­ryň ara­syn­da su­ra­ta düş­ýär­ler. Se­ul şä­he­rin­de güýz pas­ly­na ba­gyş­la­nyp hot­tok we içi ma­ňyz­ly dür­li gör­nüş­li süý­jü­lik­ler taý­ýar­la­nyl­ýar.
Szýuç­žaý­gou jül­ge­si. ÝU­NES­KO-nyň Bü­tin­dün­ýä mi­ra­sy­nyň bir bö­le­gi bo­lan Szýuç­žaý­gou jül­ge­si reňk­li köl­le­riň, şag­la­wuk­la­ryň we owa­dan to­kaý­lyk­la­ryň jem­le­nen ýe­ri­dir. Hy­ta­ýyň bu jül­ge­si güýz pas­lyn­da ha­ky­ky sun­gat ese­ri­ne öw­rül­ýär. Jül­ge­dä­ki düý­bi gör­nüp du­ran Aý­na kö­li we beý­le­ki aras­sa suw­ly köl­ler sa­ry ýap­rak­lar bi­len be­ze­lip, gözel gör­nü­şi eme­le ge­tir­ýär. Bu jül­ge­de dün­ýä­niň seý­rek duş gel­ýän jan­dar­la­ry­nyň bi­ri bo­lan pan­da­la­ry hem syn­lap bol­ýar.

Gyzykly bolup bilerЕЩЕ ОТ АВТОРА