Ýewropa ligasynda 1/8 finalyň galan 4 oýny-da oýnalyp, çärýek finalçylaryň ählisi belli boldy. Düýnki oýunlaryň 3-si birmeňzeş hasap bilen tamamlandy. Olaryň 3-si hem 1-nji oýunda özlerine gerek bolan netijäni gazanypdylar. Ýagny myhmançylykda 3 gol geçiren “Baýer” öz meýdançasynda “Reýnjersi” Diabiniň 51-nji minutdaky goly bilen 1-0 ýeňdi. Edil şonuň ýaly, myhmançylykda 3-0 ýeňiş gazanan “Bazel” öz meýdançasynda “Aýntrahty” Freýiň soňky minutlarda geçiren goly bilen ýeňşini baýram etdi. Gresiýada 1-1 deňme-deň oýnan “Wulwerhempton” Angliýada “Olimpiakosy” iň kiçi hasap bilen utup, çärýek finalçylaryň hataryna goşuldy. Iňlis klubuna ýeňiş getiren goly 9-njy minutda Raul Himenes penaltiden öz adyna ýazdyrdy. 1-nji duşuşygy oýnalmadyk oýunda-da “Sewilýa” topary “Romany” Reguilon hem-de En-Nesiriniň gollary bilen 2-0 utup, ýaryşdan çykardy. Şeýlelikde, 10-11-nji awgustda Germaniýada oýnaljak çärýek finalda “Şahtýor”–“Bazel”, “Mançester Ýunaýted”– “Kopengagen”, “Inter”–“Baýer” hem-de “Wulwerhempton”–“Sewilýa” duşuşyklary geçiriler.
Baýer – Reýnjers: 1-0 (3-1) /Diabi 51/
Bazel – Aýntraht”: 1-0 (3-0) /Freý 88/
Wulwerhempton – Olimpiakos: 1-0 (1-1) /Raul Himenes 9 p/
Sewilýa – Roma: 2-0 /Reguilon 22, En-Nesiri 44/
Çärýek finalyň oýunlary
10-njy awgust (00:00): Mançester Ýunaýted – Kopengagen (Köln)
10-njy awgust (00:00): Inter – Baýer (Düsseldorf)
11-nji awgust (00:00): Wulwerhempton – Sewilýa (Gelsenkirhen)
11-nji awgust (00:00): Şahtýor – Bazel (Duisburg)
