Sportuň taryhynda seredenimizde 12-nji awgustda birnäçe waka bolup geçipdir. Diňe şu günüň özünde 3 tomusky Olimpiýa oýunlary tamamlanýar. Ýagny 1928-nji, 1984-nji hem-de 2012-nji ýyldaky tomusky Olimpiýa oýunlarynyň jemleýji dabaralary 12-nji awgustda geçirilýär. Şeýle-de Niderlandlaryň “Willem II”, Italiýanyň “Sampdoriýa”, Fransiýanyň soňky ýyllarynyň çempiony PSŽ klublary-da degişli ýyllarda şu gün esaslandyrylýar. Galyberse-de, şu gün tennisçi Pit Sampras, futbolçylardan Les Ferdinand, Klaas-Ýan Huntelaar, italýanlaryň garagol ýyldyzy Mario Balotelli, boksçy Taýson Fýuri ýaly türgenleriň doglan güni.
12-nji awgust
1896 – Niderlandlaryň “Willem II” (Tilburg) futbol topary esaslandyrylýar.
1928 – Niderlandlaryň paýtagty Amsterdamda geçirilen IX tomusky Olimpiýa oýunlary tamamlanýar.
1946 – Italiýanyň “Sampdoriýa” (Genue) futbol topary esaslandyrylýar.
1966 – Angliýaly futbolçy Les Ferdinand dünýä inýär.
1970 – Fransiýanyň PSŽ (Pariž) futbol topary esaslandyrylýar.
1971 – Amerikaly tennisçi, 14 “Uly tuwulganyň” eýesi Pit Sampras dünýä inýär.
1983 – Gollandiýaly futbolçy Klaas-Ýan Huntelaar dünýä inýär.
1984 – ABŞ-nyň Los Anjeles şäherinde geçirilen XXIII tomusky Olimpiýa oýunlary tamamlanýar.
1988 – Angliýaly meşhur boksçy Taýson Fýuri dünýä inýär.
1990 – Italiýaly futbolçy Mario Balotelli dünýä inýär.
1998 – Gresiýaly tennisçi Stefanos Sisipas dünýä inýär.
2012 – Beýik Britaniýanyň paýtagty Londonda geçirilen XXX tomusky Olimpiýa oýunlary tamamlanýar.
2018 – Golf boýunça 4 uly ýaryşyň biri bolan “PGA Championship”-iň 100-nji geçirilişinde amerikaly Bruk Koepka ýeňiş gazanýar.
