Şu gün türkmen futbolynyň görnükli wekili, dünýä belli tälimçisi Gurban Berdiýewiň doglan güni. Ussat tälimçi şu gün 68 ýaşyny doldurýar. Şeýle-de şu gün 1926-njy ýylda Italiýanyň “Napoli” futbol topary esaslandyrylýar. Bu wakadan 34 ýyl soň şu gün Rimde 17-nji tomusky Olimpiýa oýunlaryna badalga berilýär. Irki ýyllarda bolsa, angliýaly Mattýuw Webb La-Manş deňzini hiç hili kömeksiz ýüzüp geçen ilkinji şahsyýet bolýar.
1875 – Angliýaly ýüzüji Mattýuw Webb La-Manşy hiç hili kömeksiz ýüzüp geçen şahsyýet bolýar. Ol 21 sagat 45 minutda La-Maşy ýüzüp geçýär.
1926 – Italiýanyň “Napoli” (Neapol) futbol topary esaslandyrylýar.
1952 – Türkmenistanly tälimçi, Russiýanyň “Premýer Ligasynda” “Rubine” 2 gezek çempionlyk gazandyran futbol ussady Gurban Berdiýew Aşgabatda dünýä inýär.
1960 – Italiýanyň paýtagty Rimde XVII tomusky Olimpiýa oýunlaryna badalga berilýär.
