“Çelsi” bilen şertnamasy tamamlanan ispaniýaly futbolçy Pedro Rodrigesi “Roma” topary transfer etdi. Rimliler 33 ýaşly ýarymgoragçy bilen 3 ýyllyk şertnama baglaşdylar. Pedro täze toparyndan her ýyly üçin 3 million ýewro hak alar. 2008-2015-nji ýyllar aralygynda “Barselonanyň” esasy düzüminde oýnan Pedro 5 ýyldan bäri “Çelsiniň” köýnekçesini geýip gelýärdi. Ol “Barselonada” 321 (99 gol), “Çelside 206 (43 gol) oýunda çykyş etdi. Pedronyň Ispaniýanyň ýygyndysy bilen Dünýä Kubogy we Ýewropanyň çempionlygy hem bar.
