Angliýanyň Super kubogy duşuşygynda, ýagny “FA Community Shield” oýnunda çempion “Liwerpul” bilen FA Kubogynyň eýesi “Arsenal” duşuşdy. Londondaky “Wembley” stadionynda oýnalan oýnuň esasy wagty 1-1 deňlikde tamamlandy. 12-nji minutda “Arsenal” Pier-Emerik Obameýangyň owadan goly bilen 1-0 öňe saýlandy. 73-nji minutda Takumi Minamino hasaby deňledi. Netijede, oýundan soňky penalti urgularyny ýalňyşsyz ýerine ýetiren “Arsenal” 16-njy gezek kuboga mynasyp boldy. “Arsenal” topary bu ugurda “Liwerpuldan” (15) öňe saýlanyp, 3-nji orna beýgeldi. Soňky gezek bu kubogy 2006-njy ýylda eýelän “Liwerpul” 5-nji gezek ýeňlişe sezewar boldy. Angliýanyň Super kubogyny iň köp “Mançester Ýunaýted” eýeläp, mankunianlaryň muzeýinde “Community Shield” kuboklarynyň 21-si bar.

Gyzykly bolup bilerЕЩЕ ОТ АВТОРА