Angliýanyň “Premier Ligasyny” geçen möwsümde 4-nji orunda tamamlan “Çelsi” 2 goragçyny transfer etdi. Londonlylar “Lester Sitiniň” iňlis goragçysy Ben Çilwelli hem-de PSŽ bilen şertnamasy tamamlanan braziliýaly Tiago Silwany düzümine goşdy. 23 ýaşly Çilwell 5 ýyllyk, 35 ýaşly Silwa bilenem 1+1 ýyllyk şertnama baglaşdy. Silwany tölegsiz alan “Çelsi” Ben Çilwell üçin 50 million funt sterlingi “Lester Siti” toparyna bermeli bolar. Çilwell “Lesterde” 5 ýyl oýnap, 123 duşuşykda meýdança çykdy. Tejribeli goragçy Tiago Silwa karýerasynda “Ýuwentude”, “Fluminense”, “Milan” ýaly klublaryň köýnekçesini geýip, ol 8 möwsümden bäri PSŽ-de oýnaýardy.
