Angliýanyň çempionaty “Premier Ligada” 17-nji tapgyryň jemleýji duşuşygynda “Liwerpul” myhmançylykda “Southempton” bilen duşuşdy. Oýnuň 2-nji minutynda “Liwerpulyň” ozalky oýunçysy Denni Ingsiň geçiren ýeke-täk goly ýer eýelerine ýeňiş getirdi. Duşuşygyň galan minutlarynda “Liwerpula” “Southempton” toparynyň goragyny geçmeke başartmady. Şeýlelikde, “Liwerpulda” şu möwsümde 2-nji gezek ýeňlişe sezewar boldy. “Liwerpul” 2,5 ýyldan soň ilkinji ýola yzly-yzyna 2 oýunda gol geçirip bilmedi. Şeýle-de, “Southempton” topary “Premier Ligada” çempionlyk gazanan 7 topary-da çempion bolanlaryndan soň täze möwsümde ýeňmegi başaran ilkinji klub hökmünde hasaba alyndy. Ýagny “Southempton” kluby Angliýada “Premier Ligasynda” çempionlyk gazanan “Mançester Ýunaýted”, “Arsenal”, “Blekbörn”, “Çelsi”, “Mançester Siti”, “Lester Siti” hem-de “Liwerpul” toparlaryny çempion bolanlaryndan soň täze möwsümde ýeňen häzirlikçe ýeke-täk topardyr.
