PDF
“SpaceX” kompaniýasynyň “Starlink” taslamasynyň çäklerinde hödürlenýän internetiň ulanyjylarynyň sanynyň 10 müňden geçendigi mälim edildi. Emeli hemralar arkaly hödürlenýän internet geçen ýyl synag möhleti bilen müşderilere ýetirilip başlanypdy. 2027-nji ýylda dolulygyna tamamlanjak taslamanyň çäklerinde, esasan hem, oba ýerlerini internet bilen üpjün etmek göz öňünde tutulýar. Şeýle hem kosmos pudagynda iş alyp barýan “SpaceX” kompaniýasy “Starlink”-iň amerikan häkimiýetinden 2021-nji ýylyň 7-nji iýunyna çenli telekommunikasiýa kompaniýasy hökmünde kabul edilmegini soraýar. Şeýlelikde, amerikan häkimiýetinden oba ýerlerini internet bilen üpjün etmek üçin 885 million dollar alyp biler.
