Futbol boýunça Aziýa futbol konfederasiýanyň ikinji derejeli ýaryşy AFK Kubogy bäsleşiginde türkmen klublary ertir täze möwsümdäki ilkinji duşuşyklaryny geçirerler. Toparlarymyz “Ahal” bilen “Altyn asyr” degişlilikde duşuşyklaryň geçiriljek ýerlerine, ýagny degişlilikde Gyrgyz Respublikasyna hem-de Täjigistan döwletine ugradylar.
“E” we “F” toparçalarynda (Merkezi sebit) çykyş etjek türkmen klublary ilkinji duşuşyklaryny, ertir, ýagny 14-nji maýda, anna güni oýnarlar. Şol gün “E” toparçada çykyş edýän “Ahal” topary Täjigistanyň “Rawşan” topary bilen duşuşar. Gyrgyz Respublikasynyň paýtagty Bişkekdäki Dolon Omurzakowyň adyny göterýän stadionda oýnaljak duşuşyk Aşgabat wagty bilen 19:00-da başlar.
Ýurdumyzyň çempiony “Altyn asyr” bolsa “F” toparçanyň çäginde Täjigistanyň “Hujand” topary bilen güýç synanyşar. Aşgabat wagty bilen 21:00-da başlanjak bu oýun Täjigistanyň paýtagty Duşanbedäki Merkezi stadionda oýnalar.
“Ahal” topary 2-nji duşuşygyny 17-nji maýda duşenbe güni ýerli gyrgyz topary “Dordoý” bilen geçirer. Duşuşyk 19:00-da başlar. Bu toparçadaky soňky oýun bolsa 20-nji maýda “Rawşan” bilen “Dordoýyň” arasynda oýnalar.
“Altyn asyryň” 2-nji duşuşygy 17-nji maýda gyrgyzlaryň “Alaý” topary bilen bolar: Oýun 17:00-da badalga alar. Aragatnaşykçylaryň jemleýji oýny 20-nji maýda Özbegistanyň “Nasaf” topary bilen bolup, bu oýun hem 17:00-da başlar.
AFK Kubogy – 2021 Merkezi sebit
“Е” toparça (geçirilýän ýeri: Bişkek şäheri, “Dolon Omurzakow” st.)
“Rawşan” (Täjigistan)
“Dordoý” (Gyrgyz Respublikasy)
“AHAL” (TÜRKMENISTAN)
1-nji tapgyr, 14-nji maý (anna):
19:00 AHAL (TÜRKMENISTAN) – Rawşan (Täjigistan)
2-nji tapgyr, 17-nji maý (duşenbe):
19:00 Dordoý (Gyrgyz Respublikasy) – AHAL (TÜRKMENISTAN)
3-nji tapgyr, 20-nji maý (penşenbe):
19:00 Rawşan (Täjigistan) – Dordoý (Gyrgyz Respublikasy)
“F” toparça (geçirilýän ýeri: Duşenbe şäheri, “Merkezi” stadion.)
“Nasaf” (Özbegistan)
“ALTYN ASYR” (TÜRKMENISTAN)
“Hujand” (Täjigistan)
“Alaý” (Gyrgyz Respublikasy)
1-nji tapgyr, 14-nji maý (anna):
17:00 Nasaf (Özbegistan) – Alaý (Gyrgyz Respublikasy)
21:05 ALTYN ASYR (TÜRKMENISTAN) – Hujand (Täjigistan)
2-nji tapgyr, 17-nji maý (duşenbe):
17:00 Alaý (Gyrgyz Respublikasy) – ALTYN ASYR (TÜRKMENISTAN)
21:05 Hujand (Täjigistan) – Nasaf (Özbegistan)
3-nji tapgyr, 20-nji maý (penşenbe):
17:00 Nasaf (Özbegistan) – ALTYN ASYR (TÜRKMENISTAN)
21:05 Hujand (Täjigistan) – Alaý (Gyrgyz Respublikasy)
