Geçen ýyl pandemiýa sebäpli geçirilmedik “Älem gözeli” (Miss Universe) owadanlyk bäsleşiginde bu ýyl meksikaly inžener zenan ýeňiji boldy. ABŞ-nyň Florida ştatynda geçirilen bäsleşikde Älem gözeli diýlip, meksikaly Andrea Meza saýlandy. Kompýuter tehnologiýasy inženerligi hünäri boýunça bilim alan 26 ýaşyndaky Meza 2019-njy ýylda öz ýurdunyň gözeli saýlanypdy. Ol täjini 2019-njy ýylyň ýeňijisi, Günorta afrikaly Zozibini Tunziniň elinden aldy. Andrea Meza Älem gözeli bäsleşiginde ýeňiş gazanan 3-nji meksikaly zenandyr.
Bäsleşikde braziliýaly Julia Gama 2-nji, peruly Ýanik Maçeta Del Kastilýo 3-nji ýeri eýeledi.
