AFK Kubogy ýaryşynda az-salym öň tamamlanan duşuşykda ýurdumyzyň wise-çempiony Ahal Gyrgyz Respublikasynyň “Dordoý” topary bilen duşuşdy. Çekeleşikli geçen oýunda ildeşlerimiz ýeňiş gazandy. Eýýäm duşuşygyň 7-nji minutynda ildeşlerimiz eden hüjümi öz oňyn netijesini berdi. Şol pursatda ýer eýeleriniň sag gyraky goragçysy Aleksandr Mişenko topy ýalňyşlyk bilen öz derwezesinden girizdi. Duşuşygyň birinji ýarymy şol ýeke-täk gol bilenem tamamlandy. Ikinji ýarymda-da Elman Tagaýewiň tapawutlanmagy bilen 2-0 hasabynda ýeňşini baýram eden “Ahal” 6 utuk toplap, Merkeziň sebitiň finalyna çykmagy başardy. Finalda “Ahal” topary “F” toparçanyň ýeňijisi bilen duşuşar we bu tapgyrda ýeňiş gazanan ýaryşy dowam etdirer.
DORDOÝ – AHAL: 0-2 (Aleksandr Mişenko 7 ö.d., Elman Tagaýew 78)
