AFK Kubogy ýaryşynda Merkezi sebitiň “F” toparçasynda çykyş edýän “Altyn asyr” topary jemleýji duşuşygynda Özbegistanyň “Nasaf” topary bilen duşuşdy. Oýun 2-0 hasabynda özbek toparynyň peýdasyna tamamlandy. Karşy şäheriniň wekiline ýeňiş getiren gollary 27-nji minutda penaltiden Şohmalik Komilow hem-de 35-nji minutda Husain Norçaýew derwezä girizdi. Oýnuň 55-nji minutynda ildeşlerimiziň goragçysy Furkat Tursunow gyzyl kart alyp, meýdançadan çykaryldy. Şunlukda, 2011-nji ýylda bu kubogy eýelän “Nasaf” utugyny 9-a ýetirip, Merkezi sebitiň finalynda oýnamaga hukuk gazandy. “Nasaf” bu finalda ýurdumyzyň wise-çempiony “Ahal” bilen duşuşar. Sebitiň final duşuşyklary 11-nji we 25-nji awgustda oýnalar.
