Tokio 2020-de futbol boýunça erkekleriň arasynda Braziliýanyň ýygyndysy finala çykdy. Soňky çempion ýarym finalda Meksikanyň U23 toparyny penaltilerden soň ýeňlişe sezewar etdi. Esasy wagty golsuz tamamlanan oýunda penaltilerde braziller 4-1 üstün çykyp, yzly-yzyna 3-nji, umumylykda 5-nji gezek finala çykdy. Braziliýanyň finaldaky garşydaşy-da Ispaniýanyň U23 topary bolar. Ispanlar ýarym finalda ýer eýeleri Ýaponiýany Marko Asensionyň goşmaça wagtdaky ýeke-täk goly 1-0 hasabynda ýeňdi. 1 altyn medaly bolan ispanlar 4-nji gezek finalda oýnar. Braziliýa bilen Ispaniýanyň Olimpiýa ýygyndylarynyň arasyndaky final duşuşygy 7-nji awgustda Iokohama şäherindäki Milli stadionda oýnalar.
